Իրանը երկկողմ բանակցություններ չի վարի ԱՄՆ հետ․ Իրանի ԱԳ նախարար

Իրանի ԱԳ նախարար Մուհամմադ Ջավադ Զարիֆը հայտարարել է, որ Իրանը չունի մտադրություն ԱՄՆ հետ երկկողմ բանակցություններ վարելու եւ ճանաչում է միայն միջազգային միջնորդների վեցյակի ձեւաչափը՝ ԱՄՆ ԱԽ մշտական հինգ անդամներ + Գերմանիա, որոնց հետ կնքվել է Միջուկային գործարքի համաձայնագիրը։ Այս մասին փոխանցում է «Ինտերֆաքս» լրատվական գործակալությունը։ «Դոնալդ Թրամփը դեռեւս երազում է երկկողմ հանդիպման մասին, որպեսզի բավարարի իր «Թրամփի գործարքը» ստանալու մարմաջը։ Չհիմնավորված լավատեսություն է»,- թվիթերյան իր էջում գրել է նախրար Զարիֆը, հավելելով, որ միակ ընդունելի ձեւաչափը վեցյակն է, որից Թրամփը դուրս է եկել։ Բացի այդ, ըստ Զարիֆի, պետք է հատուցել Իրանի կրած վնասները։