Թե ինչու պաշտոնանկ արեցին Արարատի մարզպետին

Արարատի նախկին մարզպետ Վարդգես Հովակիմյանը, խոսելով իր պաշտոնաթողության մասին, անդրադարձել էր իր որդու հետ կապված արտաշատյան աղմկոտ միջադեպին ու հայտարարել, թե ծեծկռտուքը շինծու է եղել եւ սարքվել է ՀՀ ոստիկանապետ Ալիկ Սարգսյանի կողմից: Այս հայտարարությունը բավականին խոցել է ոստիկանապետին, վերջինս հաղորդագրություն է տարածել, թե այն անհիմն է ու անհեթեթ: ՀՀ ոստիկանապետը որեւէ առնչություն չունի ոչ Արարատի նախկին մարզպետի պաշտոնաթողությանը, ոչ էլ նրա որդու մասնակցությամբ տեղի ունեցած ծեծկռտուքին: Ըստ ոստիկանության հաղորդագրության՝ ծեծկռտուքի պատճառն այն է եղել, որ նախկին մարզպետի որդին որոշել է վարդ նվիրել մի անծանոթ աղջկա` վերջինիս ընկերոջ ներկայությամբ: