Բազեների չուն ամփոփվեց

Եռագույն փետրավորների՝ բազեների ծաղկաձորյան ճախրանքն այսօր կամփոփվի: Նրանց երեկ երկնքից վար է բերել Սերժ Սարգսյանը: Հիշեցնենք, որ նախօրեին երիտկարիերիստներին այցելել էր պաշտպանության նախարար Սեյրան Օհանյանը, իսկ "թռցրել" էր վարչապետ Տիգրան Սարգսյանը՝ իր մասնակցությամբ պատվելով բացման արարողությունը: Նշենք, որ ջահելության ամառային զվարճանքի համար ինչ-որ բարերարներ ներդրել են մոտ 20 միլիոն դրամ, իսկ մեկշաբաթյա ժամանցն ու կարեւորագույն հյուրերի ընդունելության պատվավոր գործը կոորդինացրել է  հանրապետական պատգամավոր, նախկին "բազե" Կարեն Ավագյանը: