Մեկ տոննա կշռով երկաթն ընկել է տղամարդու վրա (վիդեո)

Թուրքիայի Բուրսա քաղաքում տղամարդու վրա ընկել է մեկ տոննա կշռով երկաթե անգար, սակայն տղամարդը կենդանի է մնացել։ Անգարը գետնից պոկվել է ուժեղ քամու պատճառով եւ քշվել դեպի դատարկ փողոց, որտեղ այդ պահին մի մարդ էր անցնում, հաղորդում է ռուսական 1tv.ru-ն։ Մեկ տոննա կշռով երկաթն ամբողջ ծանրությամբ ընկել է տղամարդու վրա, ինչից հետո քամին այն քշել է այլ ուղղությամբ։ Տղամարդն անմիջապես հիվանդանոց է տեղափոխվել։ Այս պահին նրա կյանքին վտանգ չի սպառնում (դիտել տեսանյութը)։