Ցեղասպանությունը մեր ուժն է
Հավանաբար ավելի պարտվողական ու հակագրական երեւույթ չկա, քան ցեղասպանությունը դարձնել գրականության թեմա: Չարենցը «Դանթեական առասպելով» փաստացի պատկերեց եղեռնը՝ իր արհավիրքով ու սոսկալիությամբ, եւ պոեմն ավարտեց լուսավոր ու պայծառ պատկերով, որը հետագա գրողների համար պետք է լիներ ելակետ ու շարունակություն:
Բայց հաջորդող գրական սերունդները թեման կրկնեցին պատկերային նույն համակարգով, քանի որ նախ՝ ցեղասպանությունը չընդունվեց եւ չդատապարտվեց աշխարհի կողմից, բացի այդ, Խորհրդային Միությունն ամեն ինչ անում էր, որպեսզի մոռացվի այն: Արդյունքում ստեղծվեց այնպիսի գրականություն, որից, որպես ընթերցող, մենք խուսափում ենք եւ համարում ենք տանուլ տված գրականություն:
«Պատրաստի բանաձեւեր չկան ցեղասպանությունը գեղարվեստորեն արտահայտելու համար, կարող է լինել շատ խորքային եւ շատ տարածական: Ես երբեք այն կարծիքին չեմ եղել, որ անհնար է արտահայտել, դա կարող է լինել մի պատկերով, մի մետաֆորով, մի բանաստեղծությամբ եւ կարող է ամբողջական վիպաշար դառնալ: Կարող է արտահայտվել ոչ ուղղակիորեն, ստեղծագործության մեջ դառնալ խորքային շերտ, եւ ամեն ճշմարիտ ստեղծագործողի մեջ գոյություն ունի այդ շերտը, քանի որ մենք բոլորս կրել ենք այդ ցավը»,- ասում է բանաստեղծ, Մատենադարանի տնօրեն Հրաչ Թամրազյանը:
Հենց այդպես էլ գեղարվեստորեն շոշափեցին 1915-ը եւ այդ մոտեցմամբ արտացոլեցին այսօր արդեն ավագ սերունդ համարվող հատկապես բանաստեղծները: Նրանք չկրկնեցին կամ տարբերակներ չստեղծեցին ավագների գրական հնարքների, քանի որ գիտակցում էին՝ ջարդեր ու նախճիր նկարագրելով, անհնար է բարձրարժեք ու ոգին բարձրացնող գրականություն ստեղծել:
«Ցեղասպանությունը յուրաքանչյուրս կրում է իր մեջ՝ որպես կենսակերպ, ապրելու մի հրման ազդեցություն, ուժ, անպայման ուժ: Երբ ծառը կտրում են՝ ավելի է զորանում եւ խիտ սաղարթներ տալիս. հենց մեր ժողովրդի պատմությունն ինքնին դա է ապացուցում: Յուրաքանչյուր հայ գրողի հոգու խորքից բառերի միջոցով արտաբերելու մի տենչ, ջիղ ապրում է եւ արդարացում սեփական գոյության: Մեր սերունդը, ցավով պիտի նշեմ, քիչ է անդրադարձել թեմային, քիչ է գրել, չէ որ ինքներս մեզ ճանաչելու մեծ միջոց է ցեղասպանությունը. ինչպիսին ենք եղել եւ ինչու հանկարծ մենք ցեղասպանվեցինք առաջինը աշխարհում: Այդ հարցերի պատասխանը պետք է տանք, որը պետք է միավորի աշխարհասփյուռ հայությանը, ուժեղացնի: Սա, կարծում եմ, մեր գրականության հիմնական ուղղություններից պետք է լինի»,- այս դիտարկումն ունի բանաստեղծ Էդվարդ Միլիտոնյանը:
Այսօրվա ավագ եւ միջին սերնդի հեղինակները, որ փորձել են այլ հայացքով քննել, այլ մոտեցմամբ արծարծել ցեղասպանության թեման, հիմնականում խուսափել են մոտենալ թեմային, քանի որ չեն կողմնորոշվել, թե ինչպես կարելի է գրականության նյութ դարձնել, որպեսզի չձախողվեն:
«Ես, որպես արձակագիր, ինչ որ գրել եմ, այդ գործերի ամբողջ էությունն ուժի մեջ է: Անիմաստ է, երբ քո կորուստը, ցավը վերածում ես լացի: Ես համարում եմ այն երակը, որը գրի մեջ կա, պետք է լինի վեր հառնելու, բարձրանալու ջիղ, մոտեցում: Ցեղասպանության մասին գրել՝ դեռ չի նշանակում լացացնել ժողովրդին, այլ ուժ պետք է տաս, ոգի եւ ցույց տաս այդ ժողովրդի ոգեղեն հզորությունը, որը մարմնի հետ ուզում էին մորթել, սակայն, ինչպես տեսնում ենք, անհնար էր: Ինձ համար այն գրականությունն է ընկալելի, որի մեջ հայի ոգին է ներկայացվում, ուժը»,- մեկնաբանում է արձակագիր Ռոլանդ Շառոյանը:
Ֆելիքս Եղիազարյան
Բայց հաջորդող գրական սերունդները թեման կրկնեցին պատկերային նույն համակարգով, քանի որ նախ՝ ցեղասպանությունը չընդունվեց եւ չդատապարտվեց աշխարհի կողմից, բացի այդ, Խորհրդային Միությունն ամեն ինչ անում էր, որպեսզի մոռացվի այն: Արդյունքում ստեղծվեց այնպիսի գրականություն, որից, որպես ընթերցող, մենք խուսափում ենք եւ համարում ենք տանուլ տված գրականություն:
«Պատրաստի բանաձեւեր չկան ցեղասպանությունը գեղարվեստորեն արտահայտելու համար, կարող է լինել շատ խորքային եւ շատ տարածական: Ես երբեք այն կարծիքին չեմ եղել, որ անհնար է արտահայտել, դա կարող է լինել մի պատկերով, մի մետաֆորով, մի բանաստեղծությամբ եւ կարող է ամբողջական վիպաշար դառնալ: Կարող է արտահայտվել ոչ ուղղակիորեն, ստեղծագործության մեջ դառնալ խորքային շերտ, եւ ամեն ճշմարիտ ստեղծագործողի մեջ գոյություն ունի այդ շերտը, քանի որ մենք բոլորս կրել ենք այդ ցավը»,- ասում է բանաստեղծ, Մատենադարանի տնօրեն Հրաչ Թամրազյանը:
Հենց այդպես էլ գեղարվեստորեն շոշափեցին 1915-ը եւ այդ մոտեցմամբ արտացոլեցին այսօր արդեն ավագ սերունդ համարվող հատկապես բանաստեղծները: Նրանք չկրկնեցին կամ տարբերակներ չստեղծեցին ավագների գրական հնարքների, քանի որ գիտակցում էին՝ ջարդեր ու նախճիր նկարագրելով, անհնար է բարձրարժեք ու ոգին բարձրացնող գրականություն ստեղծել:
«Ցեղասպանությունը յուրաքանչյուրս կրում է իր մեջ՝ որպես կենսակերպ, ապրելու մի հրման ազդեցություն, ուժ, անպայման ուժ: Երբ ծառը կտրում են՝ ավելի է զորանում եւ խիտ սաղարթներ տալիս. հենց մեր ժողովրդի պատմությունն ինքնին դա է ապացուցում: Յուրաքանչյուր հայ գրողի հոգու խորքից բառերի միջոցով արտաբերելու մի տենչ, ջիղ ապրում է եւ արդարացում սեփական գոյության: Մեր սերունդը, ցավով պիտի նշեմ, քիչ է անդրադարձել թեմային, քիչ է գրել, չէ որ ինքներս մեզ ճանաչելու մեծ միջոց է ցեղասպանությունը. ինչպիսին ենք եղել եւ ինչու հանկարծ մենք ցեղասպանվեցինք առաջինը աշխարհում: Այդ հարցերի պատասխանը պետք է տանք, որը պետք է միավորի աշխարհասփյուռ հայությանը, ուժեղացնի: Սա, կարծում եմ, մեր գրականության հիմնական ուղղություններից պետք է լինի»,- այս դիտարկումն ունի բանաստեղծ Էդվարդ Միլիտոնյանը:
Այսօրվա ավագ եւ միջին սերնդի հեղինակները, որ փորձել են այլ հայացքով քննել, այլ մոտեցմամբ արծարծել ցեղասպանության թեման, հիմնականում խուսափել են մոտենալ թեմային, քանի որ չեն կողմնորոշվել, թե ինչպես կարելի է գրականության նյութ դարձնել, որպեսզի չձախողվեն:
«Ես, որպես արձակագիր, ինչ որ գրել եմ, այդ գործերի ամբողջ էությունն ուժի մեջ է: Անիմաստ է, երբ քո կորուստը, ցավը վերածում ես լացի: Ես համարում եմ այն երակը, որը գրի մեջ կա, պետք է լինի վեր հառնելու, բարձրանալու ջիղ, մոտեցում: Ցեղասպանության մասին գրել՝ դեռ չի նշանակում լացացնել ժողովրդին, այլ ուժ պետք է տաս, ոգի եւ ցույց տաս այդ ժողովրդի ոգեղեն հզորությունը, որը մարմնի հետ ուզում էին մորթել, սակայն, ինչպես տեսնում ենք, անհնար էր: Ինձ համար այն գրականությունն է ընկալելի, որի մեջ հայի ոգին է ներկայացվում, ուժը»,- մեկնաբանում է արձակագիր Ռոլանդ Շառոյանը:
Ֆելիքս Եղիազարյան
Կարծիքներ