Որեւէ լուծում չառաջարկվեց, ընդամենը խոստումներ

Դրամի անկման հարցով ոչ իշխանական խմբակցությունների հրավիրած արտահերթ փակ նիստի մասին ՀԱԿ խմբակցության պատգամավոր Լյուդմիլա Սարգսյանը որոշ մանրամասներ հայտնեց՝ պարզաբանելով, որ իշխանությունը ցանկացել է փակ նիստ, որպեսզի չմեծացնի առանց այն էլ հանրության մոտ առկա խուճապային տրամադրությունները. «Բայց ինչ որ ասվեց, մենք բոլորս էլ տեսնում ու հասկանում էինք: Համենայնդեպս, այդպես էլ հստակություն չմտավ, թե ինչ գործիքներ ունեն կիրառելու, որ կարողանան կանխել դրամի անկումը: Որեւէ լուծում չառաջարկվեց, ընդամենը խոստումների մակարդակով հայտարարություններ հնչեցին, որ վերահսկում ենք, ինչն են պատճառները, որ այսպիսի իրավիճակ է ստեղծվել: Բայց մենք դա գիտեինք, որ մեր տնտեսությունը լուրջ կախվածության մեջ է ռուսական տնտեսությունից, անկախ նրանից՝ մենք ԵՏՄ կմտնեինք, թե ոչ»: