Նիկոլ Փաշինյանը ու նրա թիմը այլևս չունեն անելիք, նրանք պիտի հեռանան

«Մենք մի բան հաստատ գիտենք։ Այն իշխանությունը, որը այս տարիների ընթացքում հազար սահման է խախտել, հազար խոստումից հետ է կանգնել, խոսք է տվել Արցախի անկախության երաշխավորում, խոսք է տվել, որ նշաձողի իջեցման արդյունքում կկարողանա արցախցու անվտանգությունը ապահովել, այս իշխանությունը այլևս կորցրել է Հայաստանի ճակատագրի հարցերով զբաղվելու լեգիտիմ իրավունքը»։ Այս մասին այսօր հայտարարել է Երևանի նախկին քաղաքապետ Հայկ Մարությանը, որը կուսակցություն է հիմնում։

«Այս իշխանությունները որևէ վստահություն չեն ներշնչում,նրանք չունեն բավարար կոմպետենտություն, գիտելիքներ ու կարողություններ այս կարևորագույն հանգրվանում Հայաստանը առաջնորդելու համար։ Նիկոլ Փաշինյանը ու նրա թիմը այլևս անելիք չունեն, նրանք պիտի հեռանան»,- ասել է նա։