ԵՄ-ում կոչ են արել պատժել Վրաստանին և Իվանիշվիլիին

Օտարերկրյա գործակալների մասին օրենքը քննարկելու համար Եվրամիությունը պետք է կրճատի Վրաստանի ֆինանսավորումը և պատժամիջոցներ սահմանի իշխող «Վրացական երազանք» կուսակցության հիմնադրի դեմ։
Այս մասին X (նախկինում՝ Twitter) սոցիալական ցանցի իր էջում գրել է Գերմանիայից Եվրախորհրդարանի պատգամավոր Վիոլա ֆոն Կրամոնը։

Նա մեկնաբանել է Եվրոպական հանձնաժողովի հարևանության և ընդլայնման բանակցությունների հարցերով գլխավոր տնօրենի Վրաստան կատարելիք այցի մասին տեղեկատվությունը։

«Մի կարծեք, որ այժմ ժամանակն է հայտարարելու Վրաստանի կառավարության հետ նոր նախագծերի մասին, բայց Եվրամիությունը գործադիրի մակարդակով ֆինանսավորումըպետք է դադարեցնի և հնարավորինս շուտ պատժամիջոցներ սահմանի Բիձինա Իվանիշվիլիի նկատմամբ: Վրաց ժողովուրդը ակնկալում է և արժանի է դրան»,- ասել է ֆոն Կրամոնը:

Նա նաև Թբիլիսիում տեղի ունեցած անկարգությունները և ոստիկանության հատուկ ջոկատայինների կողմից դրանց ցրումը համեմատել է ուկրաինական Մայդանի հետ։

Եվրախորհրդարանի պատգամավոր Միրիամ Լեքսմանը նույնպես պահանջել է պատժամիջոցներ կիրառել Իվանիշվիլիի նկատմամբ։

Նման կոչ է արել նաև Բունդեսթագի պատգամավոր, Եվրամիության հանձնաժողովի անդամ Թոմաս Հաքերը, ով խոսել է վրացական իշխանությունների նկատմամբ պատժամիջոցներ սահմանելու միջոցով պատժելու անհրաժեշտության մասին։