Կրեմլը չի կարծում, որ Թուրքիայի հետ հարաբերություններում բան կփոխվի
Վլադիմիր Պուտինի մամուլի քարտուղար Դմիտրի Պեսկովը հայտարարել է, որ Ռուսաստանը հույս ունի նորմալ հարաբերություններ պահպանել Թուրքիայի հետ` այն բանից հետո, երբ Թուրքիան Ռուսաստանի առաջնորդին քննադատության է ենթարկել: Այս մասին հայտնում է «Գազետան»:
Ավելի վաղ Թուրքիայի նախագահ Էրդողանը Պուտինին քննադատել էր 1915-ի Հայոց ցեղասպանությունը ընդունելու համար:
Պեսկովը ասել է, որ Պուտինին տեղյակ են պահել Թուրքիայից հնչող քննադատությունների մասին: Նա նշել է, թե Կրեմլը հույս ունի, որ հարաբերությունները Թուրքիայի հետ կշարունակեն զարգանալ այնպես, ինչպես նախկինում:
Կարծիքներ