Ռուսաստանը հաստատել է իր ռազմական ներկայությունը Սիրիայում. կանցկացվեն զորավարժություններ Սիրիայի ափերի մոտ
![Ռուսաստանը հաստատել է իր ռազմական ներկայությունը Սիրիայում. կանցկացվեն զորավարժություններ Սիրիայի ափերի մոտ](https://hraparak.am/uploads/images/8eb54c23fffe95aef0ca6590e079b1e5.jpg)
Ռուսաստանը նախազգուշացրել է, որ զորաավարժություններ է անցկացնելու Սիրիայի ափերի մոտ:
RBC Daily-ի փոխանցմամբ` մասնավորապես ռազմա-ծովային զորավարժություններ են անցկացնելու` հրթիռակոծություններով, Միջերկրական ծովի արևելյան ափին:
Russia Today-ը և այլ ռուսաստանյան առաջատար ԶԼՄ-ներ փոխանցում են Սիրիայում Ռուսաստանի ակտիվության մասին մի շարք պաշտոնական հայտարարություններ:
Ըստ այդմ` Ռուսաստանի արտգործնախարար Սերգեյ Լավրովը բացեիբաց հայտարարել է, որ Ռուսաստանը զենք ու մարդասիրական օգնություն է մատակարարում Սիրիային: Նա հայտարարել է նաև, որ Ռուսաստանը թույլ չի տալու «Լիբիայի սցենարի կրկնություն Սիրիայում»:
Միաժամանակ հայտարարություններով է հանդես գալիս Ռուսաստանի ԱԳՆ-ի խոսնակ Մարիա Զախարովան` հաստատելով արևմտյան տերությունների վերջին մեղադրանքները, թե Ռուսաստանը ռազմական ակտիվություն է դրսևորում Սիրիայում: Զախարովան ասել է նաև, որ Ռուսաստանը «երկդիմի» է համարում Արևմուտքի վերաբերմունքը Սիրիայի իշխանություններին:
Սիրիայում Ռուսաստանի ռազմական ակտիվության դեմ տարբեր երկրների «բողոքին» միացել է նաև Իսրայելը: Associated Press-ի փոխանցմամբ` իսրայելական կողմը հայտարարել է, թե «ռուսական զորքերը Սիրիայում են` ԻՊ-ի դեմ պայքարում Ասադին օգնելու»:
Կարծիքներ