Լրագրային շանսոն՝. «Ոչ» +

Ոչ+Ոչ=Այո

ՀԱԿ-ը և ՀԺԿ-ն որոշել են միասնական շտաբ բացել և միասին «ոչ» ասել սահմանադրական բարեփոխումներին: Նման դեպքերում ժողովուրդն ասում է՝ երկու «ոչ»-ը մի «այո» է:

Փրկիչանոց

Որպեսզի քչություն չանի, կգործի նաև «Ոչ»-ի երկրորդ միասնական շտաբը, որտեղ կհավաքվեն նրանք, ովքեր, փրկիչ լինելով, չեն կարող ՀԱԿ-ի և ՀԺԿ-ի հետ ասել «ոչ»: Այս շտաբը աչքի է ընկնում ներքին ժողովրդավարության ակնհայտ ավելցուկով: Հայրիկյանն, օրնակ, նախընտրել է դիտորդի կարգավիճակը, իսկ Րաֆֆի Հովհաննիսյանն էլ, եթե իր ներկայության խիստ անհրաժեշտություն կա, սկայպով է մասնակցում նիստերին: 

Ի՞նչ իմանաս

Հովիկ Աբրահամյանը ոչ հերքել, ոչ հաստատել է շրջանառվող լուրերը, թե հիմա էլ աչք ունի Տիգրան Սարգսյանի նոր՝ ԵՏՄ վարչապետի պաշտոնի վրա:

Արա Աբրահամյանը «Կովկասի գերուհին» ֆիլմի Սախովի դերում

-Ես ոչինչ չարեցի, ազնիվ խոսք, պարզապես հայտարարեցի, որ ուզում եմ կուսակցություն բացել...

Դարձ

Տեսնելով Արա Աբրահամյանի խայտառակ դարձը՝ հայաստանցիները հնարավոր է պահանջեն Քոչարյանի վերադարձը:

Նոր սեպտեմբերի 3 է պետք

Հիմա, երբ ԵՏՄ-ում վարչապետ է դառնում Տիգրան Սարգսյանը, Հայաստանն իր վեկտորը պետք է միանշանակ թեքի դեպի ԵՄ: