Հնդկաստանի ազգային գվարդիայի մարտիկները ոչնչացրել են ՌՕՈւ ռազմաբազան գրոհած ահաբեկիչներին

Հնդկաստանի ազգային գվարդիայի մարտիկները ոչնչացրել են Փենջաբ նահանգի ՌՕՈւ ռազմաբազան Պակիստանի սահմանից գրոհած ահաբեկիչների խումբը: Ինչպես հայտնում է Indian Express-ը բոլոր 4 գրոհայիններն էլ ոչնչացված են: Գործոության ընթացքում հնդիկ զինծառայողները երկու զոհ են տվել:

Times of India-ն այլ տվյալներ է հաղորդել զինվորականների կորստի մասին: Ըստ պարբերականի՝ Ազգային գվարդիան ունի 2 սպանված և 6 վիրավոր:

Ավելի վաղ տեղեկություն էր ստացվել, որ մի քանի լավ զինված տղամարդիկ՝ տարբեր գնահատականներով՝ 4-5 մարդ, ներթափանցել են բազայի տարածք և կրակ բացել: Ահաբեկիչները փորձել են վնասել կայանած կործանիչներն ու սարքավորումները, սակայն պատասխան կրակով հնդիկ զինվորականները կարողացել են անկյուն մղել և ոչնչացնել նրանց:

France-Presse գործակալությունը հաղորդել է, որ գրոհայինները, ամենայն հավանականությամբ, եղել են «Ջայշ է Մուհամմադ» ահաբեկչական խմբավորման անդամներ: