Ռիոյում Օլիմպիադայի մեկնարկից հետո ոստիկանության հետ բախումներում 14 մարդ է զոհվել
hraparak
20 Օգոստոս 2016 | 20:15
0
31-րդ օլիմպիական խաղերի մեկնարկից ի վեր, Ռիո դե Ժանեյրոյի աղքատ թաղամասերում հաճախացել են իրավապահների և բնակիչների բախումները, գրում է բրիտանական The Guardian թերթը:
Օլիմպիադայի մեկնարկից հետո առնվազն 14 մարդ է սպանվել ոստիկանության հետ հանցավոր խմբավորումների բախումներում, նշում է պարբերականը:
Բնակիչները պնդում են, որ օլիմպիադայի հյուրերի անվտանգությունն ապահովելու նպատակով ոստիկանության ծավալած գործողությունների արդյունքում իրենք ապրում են պաշարման մեջ: Պարեկային ուժեղացված հսկողությունը, զանազան գործողությունները, անգամ խուզարկությունները սովորական երևույթ են դարձել Ռիոյի հետ ընկած թաղամասերում:
Կարծիքներ