Գյումրիում ավտովթարից ամուսինները տեղում մահացել են, երեխաները հիվանդանոցում են
Այսօր գիշերը Գյումրիում տեղի ունեցած ողբերգական ավտովթարի հետևանքով ընտանիքի հայրն ու մայրը մահացել են, իսկ նրանց 4 երեխաները տեղափոխվել են հիվանդանոց:
Ըստ տեղեկությունների՝ ընտանիքը հարսանիքից վերադառնալիս է եղել, ղեկին ընտանիքի հայրը՝ 54-ամյա Արիստակես Քոչարյանն է եղել:
Նշենք, որ դեպքի առնչությամբ ԱԻՆ «911» ծառայությու նը տեղեկություն է հաղորդել, որում ասվում է. «Այսօր՝ դեկտեմբերի 16-ին, ժամը 01:12-ին, Շիրակի մարզի Գյումրի քաղաքի Բուլվարային թաղամասի «ԱՐԳՈ» խանութ-սրահի մոտակայքում տեղի է ունեցել ՃՏՊ, ավտոմեքենայում կան արգելափակված քաղաքացիներ. անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Opel Astra» մակնիշի ավտոմեքենան (վարորդը՝ Ա. Ք., 1964 թ.), դուրս է եկել ճանապարհի երթևեկելի հատվածից և բախվել ոչ բնակելի տան պարսպին, ինչի հետևանքով ուևորներ Տ. Ք.-ն (1996 թ.) և Ա. Ք.-ն (1997 թ.) մարմնական վնասվածքներով հոսպիտալացվել են Գյումրու ԲԿ, իսկ Մ. Ք.-ն (2007 թ.) և Լ. Ք.-ն (1998թ.)՝ Ավստրիական մանկական հիվանդանոց: Բժիշկները Մ. Ք.-ի և Ա. Ք.-ի առողջական վիճակը գնահատել են ծանր, իսկ Լ. Ք-ինը և Տ. Ք.-ինը՝ բավարար: Փրկարարները սահմանազատել են տարածքը, հոսանքազրկել ավտոմեքենան և հատուկ տեխնիկայի միջոցով ավտոմեքենայից դուրս են բերել վարորդի և Ժ. Ք.-ի (1972 թ.) դիերը»:
Կարծիքներ