Մայրապետյանը դեռևս Հայաստան չի վերադարձել եւ հայտնի էլ չի՝ երբ կվերադառնա
Խոշոր գործարար Սամվել Մայրապետյանը դեռևս Հայաստան չի վերադարձել եւ հայտնի էլ չի՝ երբ կվերադառնա։ Այս մասին «Հրապարակ»-ի հետ զրույցում ասաց նրա պաշտպաններից Ալեքսանդր Սիրունյանը՝ նշելով, որ Մայրապետյանն իրեն լավ է զգում։
Հարցին՝ թե ինչքա՞ն ժամանակով է մեկնել իր պաշտպանյալը, արդյոք նախաքննական մարմինը ժամանակ չի՞ տվել, պաշտպանը պատասխանեց․ «Ինձ թվում է՝ ՀՔԾ-ն ոչ թե ժամանակ է տվել, այլ արել է այնպես, ինչպես նորմալ արվում է դա, իմ կարծիքով՝ ասել են՝ գնում ես, հանկարծ չկորես, որ պետք լինի, կանչենք, գաք»։
Պաշտպանի խոսքով՝ եւս մեկ կարեւոր վիրահատության է պատրաստվում Մայրապետյանը։
Հիշեցնենք, որ Մայրապետյանին մեղադրանք է առաջադրվել Քրեական օրենսգրքի 38-311–րդ հոդվածի հատկանիշներով։ Նա մեղադրանքը չի ընդունում։ Հիշեցնենք նաեւ, որ խոշոր գործարարը ձերբակալվել է հոկտեմբերի 6-ին, այնուհետեւ գրավի դիմաց ազատ արձակվել։ Նա մեկնել է Դրեդզեն քաղաք՝ բուժման նպատակով։
Կարծիքներ