Կանցկացվի Մանսուրյանի անվան կոմպոզիտորների միջազգային մրցույթ
Առաջին անգամ կանցկացվի Մանսուրյանի անվան կոմպոզիտորների միջազգային մրցույթ, որը կմիավորի տաղանդավոր կոմպոզիտորների աշխարհի տարբեր անկյուններից։
Մասնակցության հայտերն ընդունվում են հոկտեմբերի 15-ից մինչեւ 2023թ. ապրիլի 1-ը: Կազմակերպիչները հույս են հայտնում, որ մրցույթը մեծ հետաքրքրություն կառաջացնի ոչ միայն հայ, այլեւ այլազգի կոմպոզիտորների մոտ։
Առաջին փուլը կկայանա 2023 թվականի մայիսի 1-ին: Առաջին փուլի արդյունքում ընտրված 6 ստեղծագործությունները կկատարվեն եզրափակիչ փուլում, որը կկայանա 2023թ. մայիսին։
Յուրաքանչյուր կոմպոզիտոր կարող է ներկայացնել մեկ վոկալ-գործիքային ստեղծագործություն կամ շարք՝ գրված ձայնի եւ մեկ կամ երկու գործիքի համար: Բոլոր ստեղծագործությունները պետք է գրված լինեն հայ միջնադարյան, դասական կամ ժամանակակից պոեզիայի հիման վրա:
Մրցույթի 1-ին մրցանակակրին կշնորհվի 3.000 ԱՄՆ դոլարին համարժեք ՀՀ դրամ, 2-րդ մրցանակակիրը կարժանանա 2.000 ԱՄՆ դոլարին համարժեք ՀՀ դրամի, իսկ 3-րդ մրցանակի համար սահմանված է 1․000 ԱՄՆ դոլարին համարժեք ՀՀ դրամ պարգեւավճար
Կարծիքներ