Սանկցիաները եւ Ռուսաստանին եւ Արեւմուտքին հարյուր միլիարդավոր դոլարների վնաս են պատճառում. Մարիա Զախարովա

Փոխադարձ սանկցիաները եւ Ռուսաստանին եւ Արեւմուտքին հարյուր միլիարդավոր դոլարների վնաս են պատճառում: Այս մասին հայտարարել է ՌԴ ԱԳՆ խոսնակ Մարիա Զախարովան: «Փոխադարձ սանկցիոն ճնշումները համալիր բացասական ազդեցություն են ունենում ինչպես ռուսական, այնպես էլ արեւմտյան տնտեսության համար: Փոխադարձ վնասները տարբեր են եւ ունեն սուբյեկտիվ բնույթ, սակայն գնահատվում են հարյուր միլիարդավոր դոլարներով»,- ասել է Զախարովան: Նա հավելել է, որ ներկայումս Ռուսաստանը քայլեր է ձեռնարկում իր տնտեսության ապադոլարայնացման հետ կապված եւ նաեւ պայքարում է համաշխարհային տնտեսության` դոլարից ունեցած կախվածության դեմ: Զախարովան նշել է, որ Ռուսաստանը փոխադարձ հաշվարկներն ազգային արժույթով կատարելու մասին համաձայնագրեր է ստորագրել Չինաստանի ու Թուրքիայի հետ: Համապատասխան պայմանավորվածություններ կան նաեւ ԲՌԻԿՍ-ի անդամ երկրների հետ: