Հրաձգություն բելառուսա-լեհական սահմանին 

Լեհական սահմանապահ ծառայությունը հայտարարել է, որ բելառուսցի զինվորականները Լեհաստանի հետ սահմանին հրազենային զինատեսակներից կրակոցներ են արձակել լեհ սահմանապահներին տեսնելուն պես։ Այս մասին տեղեկանում ենք Լեհական պետական սահմանապահ ծառայության թվիթերյան էջում հրապարակված հաղորդագրությունից։

Դեպքը տեղի է ունեցել գիշերը, Չերեմեխե կոչված սահմանային տեղամասում։ Հաղորդագրության մեջ նաեւ ասվում է, որ սահմանը նախորդ օրը անօրինական կերպով հատելու փորձ արել է տասներկու մարդ, որոնք բոլորն էլ ձերբակալվել են։ Նրանք եղել են Սիրիայի, Իրաքի եւ Լիբանանի քաղաքացիներ։