Ախուրյանի 2 դպրոցում կորոնավիրուսի դեպք է գրանցվել. 100-ից ավել աշակերտ մեկուսացվել է
Արեւիկ Հակոբյան
24 Սեպտեմբեր 2020 | 13:20
0
Շիրակի մարզի Ախուրյան համայնքում գործող 2 դպրոցում կորոնավիրուսի դեպք է գրանցվել: Ուսուցիչներից 3-ի թեստի պատասխանը դրական է եղել, որի պատճառով 100-ից ավել աշակերտներ մեկուսացվել են: Ախուրյանի համայնքապետ Արծրուն Իգիթյանը hraparak.am-ի հետ զրույցում ասաց, որ 3 ուսուցիչներն էլ համայնքի բնակիչ են եւ մինչ թեստավորումը որևէ գանգանտ չեն ունեցել:
«Թեստավորման արդյունքում պարզվեց, որ վարակված են, իրենք ասիմպտոմ են եղել, որևէ կասկած չեն ունեցել: Մենք դասերը չենք դադարեցրել: Այն աշակերտները, որոնք մեկուսացվել են, դասերը հեռավար են անցկացնում:Մեկուսացած են նաև այն բոլոր ուսուցիչները, ովքեր շփվել են իրենց հետ: Անգամ տնօրենին ենք մեկուսացրել»,- ասաց համայնքապետը՝ միաժամանակ նշելով, որ Ախուրյան համայնքում Հանրապետության մակարդակով կորոնավիրուսի ցուցանիշը բարձր չէ: Համայնքում մինչ այսօր կորոնավիրուսից մահվան դեպք չի արձանագրվել: Ի դեպ, մեր զրույցից անմիջապես հետո տեղեկացանք, Ախուրյանի դպրոցներից մեկը ամբողջությամբ անցավ հեռավար ուսուցման:
Կարծիքներ