Մենք այս ծրագրով ազդարարում ենք տնտեսական հեղափոխության մեկնարկը․ Փաշինյան
Վարչապետ Նիկոլ Փաշինյանը կառավարության ծրագրի մասին.
Կառավարության այս ծրագիրը լիարժեք համապատասխանում է մեր ունեցած հայեցակարգային պատկերացումներին: Շատ անկյունաքարային նշանակություն ունի հետևյալը, որ մենք հռչակել ենք տնտեսական հեղափոխության հայեցակարգը և, ըստ էության, մենք այս ծրագրով ազդարարում ենք տնտեսական հեղափոխության մեկնարկը՝ արձանագրելով, որ կառավարության գործառույթը շարունակում է մնալ նույնպիսին, ինչպիսին եղել է Հայաստանում ոչ բռնի, թավշյա, ժողովրդական հեղափոխության քաղաքական հարթակի պատասխանատվությունը և դա հնարավորություններ ստեղծելն է:
Ուզում եմ շատ հստակ արձանագրենք՝ կառավարությունը իրեն համարում է այս գործընթացի կարևոր մասնակիցներից մեկը՝ կազմակերպիչը, որի հիմնական առաքելությունն է ստեղծել հնարավորություններ և մարդկանց՝ ՀՀ քաղաքացիներին, ֆիզիկական և իրավաբանական անձանց քաջալերել, որպեսզի նրանք օգտվեն այդ հնարավորություններից: Կառավարության առանցքային դերակատարումը լինելու է այն, որ այդ հնարավորությունները լինեն կիրառելի, ոչ թե դեկլարատիվ, այլ իսկապես մարդիկ հնարավորություն ունենան ռեալ տեսնել, շոշափել և իրենց ձեռքում ունենալ այդ հնարավորությունը և դրանք ապահոված լինեն կիրառման համապատասխան գործիքակազմով:
Կարծիքներ