Ադրբեջանում Ղարաբաղյան պատերազմում զոհվածների ընտանիքի անդամները ազատված են ուսման վճարից
Hraparak
25 Հունվար 2021 | 23:45
0
Ադրբեջանում ըստ երկրի այն օրենքների պահանջների, որոնք կարգավորում են պատերազմում զոհված զինվորականների ընտանիքի անդամների հանդեպ վարվող պետական սոցիալական քաղաքականությունը, որոշվել է Ղարաբաղյան պատերազմում զոհվածների ընտանիքների անդամներին 100 տոկոսով ազատել պետական միջնակարգ, մասնագիտացված, արհեստակցական, բարձրագույն ուսումնական հաստատություններում ուսման վճարից, ինչպես նաեւ գիտական կազմակերպություններում հետբուհական կրթության վճարից։
Խոսքը, ընդ որում, վերաբերում է ինչպես Ղարաբաղյան առաջին, այնպես էլ երկրորդ պատերազմում զոհված զինվորականների ընտանիքի անդամներին։
Այս առնչությամբ Ադրբեջանի նախագահ Իլհամ Ալիեւը արդեն տվել է համապատասխան հանձնարարական, որը իրականացվելու է ինչպես կենտրոնական գործադիր իշխանության, այնպես էլ տեղերում գործադիր իշխանությունն իրականացնող մարմինների կողմից։
Կարծիքներ