ԱՄՆ միակ նախագահն էի, ում օրոք ՌԴ-ն ոչ մի երկիր չգրավեց․ Թրամփ
Hraparak
6 Մարտ 2023 | 16:30
0
Ես միակ նախագահն էի, ում օրոք Ռուսաստանը ոչ մի երկիր չգրավեց, քանի որ Պուտինի հետ շատ լավ էի շփվում։ Այդ մասին ասել է ԱՄՆ նախկին նախագահ Դոնալդ Թրամփը։
«Ես ասացի. «Վլադիմիր, մի արա դա: Դուք գիտեք, որ մենք ընկերներ ենք: Մի գրավեք ոչ մի երկիր, քանի որ այդ դեպքում Մոսկվան մեծապես կտուժի»։ Ես նրան ասացի այդ մասին։
Բուշի օրոք նրանք ներխուժեցին Վրաստան, չէ՞: Օբամայի հետ նրանք գրավեցին Ղրիմը։ Բայդենի հետ նրանք փորձում են տիրանալ ամեն ինչին, և եթե դա տեղի ունենա, նա նույնիսկ չի իմանա, որ դա այդպես է պատահել:
Ես միակ թեկնածուն եմ, ով կարող է այս խոստումը տալ. ես շատ հեշտությամբ կկանխեմ երրորդ համաշխարհային պատերազմը։ Շատ հեշտ։
Եվ, ի դեպ, դուք կունենա՛ք երրորդ համաշխարհային պատերազմ: Եթե ինչ-որ բան չարվի, դուք կունենաք Երրորդ համաշխարհային պատերազմ»,- ասել է Թրամփն, ով արդեն հայտնել է 2024 թ․ նախագահական ընտրությունների մրցավազքին մասնակցելու իր մտադրության մասին։
Կարծիքներ