Բելառուսի հետ սահմանին 17 հազար ուկրաինացի զինվոր է․ ի՞նչ է կատարվում
Hraparak
6 Մարտ 2023 | 12:30
0
17 հազարանոց ուկրաինական խմբավորումը ներկայումս կենտրոնացած է Բելառուսի սահմանի մոտ, հայտնում է Բելառուսի պետական СТВ հեռուստաալիքը՝ վկայակոչելով հանրապետության Պետական սահմանային կոմիտեին։
Բացի այդ, հեռուստաալիքի տվյալներով, Ուկրաինայի Ռովնենսկի մարզի սահմանամերձ շրջաններում կառուցվում են նոր ֆորտիֆիկացիոն և ինժեներական կառույցներ, ստեղծվում է հակատանկային խրամատների երկրորդ գիծ։
Բելառուսի հետ սահմանակից շրջաններում Ուկրաինան ստեղծել է նաև ականապատ դաշտերի համակարգ, հայտնում է Պետական սահմանային կոմիտեն։
Բելառուսի նախագահ Ալեքսանդր Լուկաշենկոն նախորդ շաբաթ կոչ է արել երկրի իրավապահ մարմիններին ուշադիր հետևել սահմանների պաշտպանությանը, քանի որ «թշնամիները կարող են օգտվել ցանկացած հնարավորությունից»՝ «սրելու» իրավիճակը հանրապետությունում։
Կարծիքներ