Զինադադար՝ Օլիմպիական խաղերի ժամանա՞կ․ Կրեմլն արձագանքել է Մակրոնին

Ռուսաստանը կարող է քննարկել Փարիզում Օլիմպիական խաղերի ժամանակահատվածում Ուկրաինայի հետ զինադադար հաստատելու հարցը , սակայն այդ գործընթացը միշտ բարդանում է Կիևի դիրքորոշմամբ։ 
Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ պատասխանելով URA.RU-ի հարցին՝ կապված Ֆրանսիայի առաջնորդ Էմանուել Մակրոնի նախաձեռնության հետ։

«Նախագահ Պուտինը և մեր զինվորականները ուշադրություն հրավիրեցին այն փաստի վրա, որ Կիևի ռեժիմը օգտագործում է նման գաղափարներ և նման նախաձեռնություններ՝ փորձելով բարեփոխումներ կատարել, վերազինվել և այլն: Սա զգալիորեն բարդացնում է նման նախաձեռնությունների քննարկման գործընթացը։ Եվ մինչ օրս ոչ ոք այդ կապակցությամբ որևէ քայլ չի ձեռնարկել»,- նշել է Պեսկովը՝ հավելելով, որ նման առաջարկ պաշտոնապես չի հնչել։
Ֆրանսիայի նախագահ Էմանուել Մակրոնը հայտարարել է, որ ցանկանում է Չինաստանի առաջնորդ Սի Ծինփինի հետ քննարկել Փարիզի Օլիմպիական խաղերի ընթացքում հրադադարի և աշխարհում բոլոր զինված հակամարտությունների դադարեցման հարցը։ Ըստ նրա, դա վերաբերում է նաև Ուկրաինայի հակամարտությանը։  2023 թվականի հունվարին ՌԴ նախագահ Վլադիմիր Պուտինը առաջարկել էր Սուրբ Ծննդյան տոներին զինադադար հաստատել, սակայն Կիևը մերժեց այն։ Պուտինը բազմիցս ասել է, որ Ռուսաստանը չի հրաժարվում բանակցություններից։ Ռուսաստանի հետ բանակցությունների արգելքն ավելի վաղ օրենքով սահմանել էր Ուկրաինայի նախագահ Վլադիմիր Զելենսկին։