Ոչ թե բանավոր կոչերով, այլ գրավոր դիմել միջազգային գործընկերներին․ Տիգրան Արզաքանցյան
«Ալյանս» կուսակցության Գերագույն խորհրդի նախագահ Տիգրան Արզաքանցյանը ֆեյսբուքյան իր էջում գրել է․
«Հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ ադրբեջանական հարձակումը խիստ մտահոգիչ և դատապարտելի է:
Վիճակը սահմանին ծայրահեղ լարված է: Ցավոք ունենք զոհեր և գերևարվածներ: Րոպե առաջ պետք է կիրառել բոլոր հնարավոր լծակները՝ միջազգային բոլոր կառույցներին ներգրավելու և ցանկացած միջոցներով չեզոքացնելու մեր տարածքային ամբողջականության և ինքնիշխանության դեմ ուժի կիրառումը:
Անհապաղ, ոչ թե բանավոր կոչերով, այլ գրավոր դիմել միջազգային գործընկերներին՝ ՌԴ-ին, ՀԱՊԿ-ին, ԵԱՀԿ Մինսկի խմբի համանախագահությանը և համանախագահող երկրներին, հստակորեն և հասցեական արձագանքել տարածաշրջանային խաղաղությունը և անվտանգությունը լրջորեն վտանգող ադրբեջանական կողմի այս գործողություններին:
Հայաստանի Հանրապետության տարածքից Ադրբեջանի զինված ուժերի ամբողջական դուրսբերումը անվիճարկելի է։ Ուժ և կորով մեր զինվորներին»:
Կարծիքներ