Պուտինն Աշխատանքի Հերոսի կոչում է շնորհել 80-ամյա Զյուգանովին
![Պուտինն Աշխատանքի Հերոսի կոչում է շնորհել 80-ամյա Զյուգանովին](https://hraparak.am/uploads/images/2024/06/image_750x_667be3ec90865.jpg)
ՌԴ նախագահ Վլադիմիր Պուտինը Աշխատանքի Հերոսի կոչում է շնորհել Պետդումայի պատգամավոր, ՌԴ Կոմունիստական կուսակցության խմբակցության նախագահ Գենադի Զյուգանովին։ Համապատասխան հրամանագիրը երկրի ղեկավարը ստորագրել է չորեքշաբթի՝ հունիսի 26-ին։
Փաստաթղթում նշվում է, որ պատվավոր կոչումը շնորհվել է «ռուսական պետականության զարգացման գործում մեծ ծառայությունների, քաղաքացիական հասարակության ձևավորման և երկար տարիների արդյունավետ աշխատանքի համար»։
Հավելենք, որ այսօր՝ հունիսի 26-ին Գենադի Զյուգանովը նշում է ծննդյան 80-ամյակը։ Քաղաքական գործիչը 1995 թվականից զբաղեցնում է ՌԴ Կոմկուսի Կենտկոմի նախագահի պաշտոնը։ 1993 թվականից ի վեր Պետդումայի բոլոր գումարումների պատգամավոր է։ Նա չորս անգամ առաջադրվել է Ռուսաստանի Դաշնության նախագահի պաշտոնի համար։
Կարծիքներ