Գիտի՞ արդյոք փաստաբանը, որ իր որոշելով չի դատական ակտն օրինական ուժի մեջ մտնում. Կարեն Հեքիմյան
«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրում է.
«Այսօր hraparak.am-ում կարդացի մի փաստաբանի մասին: Ճիշտն ասած, փոշմանեցի: Ավելի լավ է Էկոնոմիկայի նախարարի և հովիվների մասին կարդայի: Սակայն, քանի որ փաստաբանի ասածն իմ գործունեության հետ կապ ուներ, ապա պատասխանեմ:
Ուրեմն, փաստաբանն ասում է, որ վերաքննիչ դատարանի որոշումը բողոքարկել է վճռաբեկ դատարան, սակայն վերաքննիչ դատարանը դրա մասին չի իմացել: (այստեղ կարելի էր տեղադրել անսահմանափակ ծիծաղի սմայլիներ):
Իսկ գիտի՞ արդյոք փաստաբանը, որ վճռաբեկ բողոքի մասին պետք է ոչ միայն վերաքննիչ դատարանն իմանա, այլև դատավարության բոլոր կողմերը, ինչը օրենքի իմպերատիվ պահանջ է:
Իսկ գիտի՞ արդյոք փաստաբանը, որ օրենքի իմպերատիվ պահանջը պետք է հենց ինքը կատարի, բոլոր կողմերին ուղարկելով վճռաբեկ բողոքի վերաբերյալ ծանուցումը, այդ թվում նաև վերաքննիչ դատարանին:
Իսկ գիտի՞ արդյոք փաստաբանը, որ իր որոշելով չի դատական ակտն օրինական ուժի մեջ մտնում:
Իսկ գիտի՞ արդյոք փաստաբանը, որ պարտավոր է հարգանքով խոսել դատարանի մասին:
Կարծում եմ, որ փաստաբանն այդ ամենն իմանալ չէր կարող: Իսկ գիտե՞ք, թե ինչու: Այդ հարցի պատասխանը շատ պարզ է: Որովհետև, փաստաբանը Ճարոյան Հակոբն է, իսկ վերջինիս պաշտպանյալը ԵՊՀ ռեկտորի նախկին ժ.պ., Գևորգյան Գեղամն է:
Փաստորեն, ամեն ինչ պարզ է, իսկ մեկնաբանություններն՝ ավելորդ:
ՀԳ. Այս պատմությունը երևի կհետաքրքրի ՀՀ փաստաբանների պալատին և ողջ իրավաբանական համայնքին: Դե իսկ Գևորգյան Գեղամն այլևս որևէ մեկին հետաքրքիր չէ»:
Կարծիքներ