Պապարացիները նկատել են «անհետացած» Քեյթ Միդլթոնին (տեսանյութ)
Բրիտանական The Sun տաբլոիդը ներկայացրել է Ուելսի արքայադուստր Քեյթ Միդլթոնի մասնակցությամբ առաջին վիդեո կադրերը, որոնք առաջինն են անցյալ տարեվերջին նրա վիրահատությունից հետո։
Պապարացիները Միդլթոնին նկատել են նրա ամուսնու՝ արքայազն Ուիլյամի հետ գնումներ կատարելիս, ասվում է նյութում։
Հունվարին Քենսինգթոնյան պալատը հայտարարեց, որ արքայադուստրը որովայնի վիրահատության է ենթարկվել, սակայն մանրամասներ չհրապարակվեցին։
Վիրահատությունից հետո Քեյթ Միդլթոնի մասնակցությամբ բոլոր պաշտոնական միջոցառումները հետաձգվել են։ Երկու ամիս անց արքայադուստրն իր երախտագիտությունն է հայտնել սոցցանցերում աջակցության համար, սակայն նրա լուսանկարը խմբագրվել է, ինչի պատճառով հրապարակային ներողություն է խնդրել։
Քեյթ Միդլթոնը որովայնի վիրահատությունից հետո անցյալ տարվա վերջից չի երևացել հանրության առջև։ Արքայադստեր երկրպագուները նրա բացակայության տարբեր վարկածներ են շրջանառել, այդ թվում՝ թագավորական ընտանիքում ներքին տարաձայնություններն ու առողջական լուրջ խնդիրները։
Կարծիքներ