Նիհարել է 11 կգ-ով. Թրամփի մամուլի քարտուղարը պատմել է նրա ներկայիս վիճակի մասին
ԱՄՆ նախկին նախագահ Դոնալդ Թրամփը Սպիտակ տնից հեռանալուց հետո զգալի նիհարել է՝ կորցնելով 11 կգ: Նրա քաշի կորստի գաղտնիքը GB News-ին տված հարցազրույցում բացահայտել է մամուլի քարտուղար Ջեյսոն Միլլերը. զրույցից մի հատված հրապարակվել է հեռուստաալիքի Twitter-ի օգտահաշվում:
Հաղորդավարի այն հարցին, թե ինչպես է նախկին նախագահին հաջողվել այդքան նիհարել, նրա խոսնակը լղոզած պատասխան է տվել. «Մի փոքր գոլֆ և նրան աջակցող ելույթներ»: Միլլերը նշել է, որ «Թրամփն իրեն հիանալի է զգում. նա հանգստացած տեսք ունի և շատ ավելի երջանիկ է»:
Միլլերը նաև հավելել է, որ «Սպիտակ տնից հեռանալուց հետո խոհանոցին շուրջօրյա հասանելիության բացակայությունը» նույնպես ազդել է ԱՄՆ նախկին նախագահի կազմվածքի բարելավման վրա: 2020 թվականի հունիսին Դոնալդ Թրամփի բուժզննումը ցույց է տվել, որ նա կշռում է 110 կիլոգրամ:
Կարծիքներ