ԱՄՆ վետերանների գծով նախարարին մեղադրել են պետական միջոցներ վատնելու մեջ

ԱՄՆ վետերանների գործերով նախարարության վերաքննիչ վարչությունը գերատեսչության ղեկավար Դևիդ Շուլկինին մեղադրել է եվրոպական շրջագայության ժամանակ միջոցների ոչ նպատակային վատնման մեջ, հայտնում է The Washington Post-ը:



Նշվում է, որ Շուլկինը հարկատուների վճարած գումարներով իր հետ շրջագայության է տարել նաև կնոջը: Աուդիտորները հաշվարկել են, որ ամերիկյան գանձարանին հասցվել է 122 հազար դոլարի վնաս:



Շուլկինն այդ մեղադրանքները անվանել է վրդովեցուցիչ և հայտարարել, որ իր կնոջ ուղևորության համար վճարելու առաջարկը եղել է նախարարության կողմից: