Սուրենյանը կանխատեսում է՝ հունվարը ևս տաք կլինի
ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը տեղեկացնում է՝ ջերմաստիճանը կրկին բարձրացել է, իսկ այսօր և վաղը ջերմաստիճանի բարձրացումը շարունակվելու է։ Մինչև դեկտեմբերի 31–ը հանրապետությունում առանց տեղումների եղանակ է սպասվում։ Հունվարի 1–ից արդեն Հայաստանին կմոտենա տեղումնաբեր ցիկլոն: Հունվարի 1-2 ընկած ժամանակահատվածում հանրապետության ողջ տարածքում ժամանակ առ ժամանակ կլինեն տեղումներ՝ հիմնականում անձրևի տեսքով, բարձր լեռնային շրջաններում հնարավոր է ձնախառն անձրև:
Հունվարի 1–ի գիշերը, ըստ Սուրենյանի, թռիչքաձև կբարձրանա գիշերային ջերմաստիճանը: «Եթե վերջին օրերին եղանակի պարզեցման հետևանքով Արարատյան դաշտում գիշերային ժամերին նկատվում էր բացասական ջերմաստիճան՝ -2, -4 աստիճան, ապա արդեն հունվարի 31-ի լույս 1-ի գիշերը Արարատյան դաշտում և բոլոր հովտային շրջաններում օդի ջերմաստիճանը կդառնա դրական՝ +4-ից +6 աստիճան, ցերեկային ժամերին կրկին +12 +14 աստիճան»,-ասել է նա ու հավելել, որ մինչև հունվարի 10-ը որևէ ցուրտ օդային հոսանքների ներթափանցում չի կանխատեսվում, իսկ այս բարձր անոմալ ջերմային ֆոնը հանրապետության ողջ տարածքում կպահպանվի: Ավելին՝ Սուրենյանի կանխատեսման համաձայն, հունվարը ևս տաք կլինի:
Հունվարի 1–ի գիշերը, ըստ Սուրենյանի, թռիչքաձև կբարձրանա գիշերային ջերմաստիճանը: «Եթե վերջին օրերին եղանակի պարզեցման հետևանքով Արարատյան դաշտում գիշերային ժամերին նկատվում էր բացասական ջերմաստիճան՝ -2, -4 աստիճան, ապա արդեն հունվարի 31-ի լույս 1-ի գիշերը Արարատյան դաշտում և բոլոր հովտային շրջաններում օդի ջերմաստիճանը կդառնա դրական՝ +4-ից +6 աստիճան, ցերեկային ժամերին կրկին +12 +14 աստիճան»,-ասել է նա ու հավելել, որ մինչև հունվարի 10-ը որևէ ցուրտ օդային հոսանքների ներթափանցում չի կանխատեսվում, իսկ այս բարձր անոմալ ջերմային ֆոնը հանրապետության ողջ տարածքում կպահպանվի: Ավելին՝ Սուրենյանի կանխատեսման համաձայն, հունվարը ևս տաք կլինի:
Կարծիքներ