Աշխարհի գլխավոր բանկիրները դեմ են բիթկոյնին
Մոլորակի գլխավոր բանկիրները, կենտրոնական դրամատների ղեկավարները դեմ են բիթկոյնին եւ մի շարք կարեւոր հարցեր են առաջ քաշում այդ կրիպտոարժույթի հետ կապված: Առհասարակ հիմնական հարցը, որ աշխարհի գլխավոր ֆինանսիստները տալիս են իրենց այն է, թե արդյոք պե՞տք է այսօր մարդկությանը կրիպտոարժույթը, կամ արդյոք պետք է ուշադրություն դարձնել դրան եւ ապա նաեւ կա՞ կարիք, որ կրիպտոարժույթը պաշտոնականանա եւ որպես նոր դրամական միավոր թողարկվի: Այս հիմնական հարցերի հետ կան մի շարք լուրջ տարակարծություններ:
ԱՄՆ-ում Դաշնային պահուստային համակարգն, օրինակ, արդեն մի քանի տարի է ուշի ուշով հետեւում է բիթկոյնի եւ մյուս կրիպտոարժույթների վարքագծեին, եւ առանձնապես մեծ էնտուզիազմ այստեղ չկա այս ամենի հետ կապված: ԴՊՀ կառավարիչների խորհրդի ներկայիս անդամ, իսկ հաջորդ տարվա փետրվարից արդեն ԴՊՀ ղեկավար Ջերոմ Փաուելը բավական մեծ երկմտանքով է խոսել կրիպտոարժույթների մասին:
Նրա կարծիքով՝ մի քանի լուրջ տեխնիկական հարցեր կան, որոնք կապ ունեն տեխնոլոգիաների հետ եւ վերաբերում են կրիպտոարժույթիների վերահսկողությանը: Փաուելը կարծում է, որ պետությունների կենտրոնական դրամատների համար դժվար կլինի իրենց կրիպտոարժույթների թողարկումը, քանի որ օրինակ հաշիվների եւ գործարքների գաղտնիության ապահովումը այս դեպքում լուրջ խնդիր է: Մասնավոր սեկտորը, ըստ Փաուելի, կարող է այս արժութատեսակով աշխատել: Բացի այդ թվային արժութատեսակի քանակը շուկայում այնքան էլ մեծ չէ ԴՊՀ փոխնախագահ Ռենդել Կուորլսն էլ հայտարարել է, այս տարվա դեկտեմբերի 1-ին, որ թեեւ բիթկոյնը չի կարգավորի, սակայն գաղափարը արժանի է ուսումնասիրության:
Եվրագոտում տրամադրությունները նույնպես խոստումնալից չեն: Եվրոպական կենտրոնական դրամատունը բազմիցս է նախազգուշացրել, որ թվային արժութատեսակներում ներդրումները շատ ռիսկային են: Եվրոպական կենտրոնական դրամատան փոխնախագահ Վիկտոր Կոնստանցիոն դեռ այս տարվա սեպտեմբերին էր հայտարարել, որ բիթկոյնը նման է հայտնի «կակաչին» եւ չի կարելի այն համարել արժույթ: Խոսքն այս դեպքում XVII նիդերլանդական «ֆինանսական փուչիկի» մասին է, եւ դրա հետ կապված կակաչների սպեկուլյացիայի: Եվրոպական կենտրոնական դրամատան կառավարիչների խորհրդի անդամ Բենուա Կյուրեն էլ իր հերթին կարծում է, որ բիթկոյնի փոխարժեքը շատ անկայուն է եւ այս թվային արժույթը մեծապես կախված է հարկային վճարումներից խուսափել ցանկացողների եւ հանցավոր այլ շրջանակների հետ:
Եվրոպական կենտրոնական բանկի նախագահ Մարիո Դրագին էլ այս տարվա նոյեմբերին հայտարարություն տարածեց, ըստ որի, կրիպտոարժույթի ազդեցությունը եվրագոտում սահմանափակված է եւ նրանք կենտրոնական բանկերի համար որեւէ սպառնալիք չեն կարող հանդիսանալ: Չինաստանի կենտրոնական դրամատունը չի էլ թաքցնում, որ լիովին վերահսկում է երկրում թվային արժութատեսակի շրջանառությունը: Ավելին, 2014-ին հատուկ պետական հանձնաժողով է ստեղծվել թվային փողերի զարգացման հետ կապված հարցերն ուսումնասիրելու համար: Պեկինում կարծում են, որ հասունացել են պայմանները, որպեսզի տեխնոլոգիաները վերցվեն պետական վերահսկողության տակ: Չինական Կենտրոնական դրամատունը արդեն լուծել է հարցերը նրանց հետ, ովքեր ինքնուրույնաբար թողարկում են թվային արժութատեսակներ եւ արգելել բորսաներում թվային արժութատեսակների շրջանառությունը: Թե երբ Պեկինը շրջանառության մեջ կդնի իր պաշտոնական կրիպտոարժույթը, դեռ չի նշվում, սակայն չինացի ֆինանսիստները կարծում են, որ դրանք կօգնեն վճարումների կատարման արդյունավետության բարձրացմանը եւ կնպաստեն ֆինանսական շուկայի վերահսկողության բարձրացմանը:
Bank of Japan-ի նախագահ Հարուհիկո Կուրոդան որպես Ճապոնիայի Կենտրոնական դրամատան ղեկավար հայտարարել էր դեռ հոկտեմբեր ամսին, որ բանկը չունի իր ընթացիկ պլանների մեջ թվային արժութատեսակի թողարկման հետ որեւէ նախագիծ, թեեւ կարեւոր է համարել այս ոլորտի համակողմանի ուսումնասիրումը: Տոկիոյում կարծում են, որ թվային արժույթ թողարկելը բնակչության համար նույնն է, ինչ հասանելի դարձնել բոլորի համար Ճապոնիայի Կենտրոնական բանկի ողջ ակտիվների բազան: Նույն տրամադրություններն են նաեւ Կանադայում, Գերմանիայում, որտեղ նույնիսկ գերադասում են կանխիկ կատարել վճարումները, Հնդկաստանում, Ռուսաստանում, որտեղ որոշ արգելքներ արդեն օրենսդրորեն են ամրագրվել, Միացյալ Թագավորությունում եւ Ֆրանսիայում:
ԱՄՆ-ում Դաշնային պահուստային համակարգն, օրինակ, արդեն մի քանի տարի է ուշի ուշով հետեւում է բիթկոյնի եւ մյուս կրիպտոարժույթների վարքագծեին, եւ առանձնապես մեծ էնտուզիազմ այստեղ չկա այս ամենի հետ կապված: ԴՊՀ կառավարիչների խորհրդի ներկայիս անդամ, իսկ հաջորդ տարվա փետրվարից արդեն ԴՊՀ ղեկավար Ջերոմ Փաուելը բավական մեծ երկմտանքով է խոսել կրիպտոարժույթների մասին:
Նրա կարծիքով՝ մի քանի լուրջ տեխնիկական հարցեր կան, որոնք կապ ունեն տեխնոլոգիաների հետ եւ վերաբերում են կրիպտոարժույթիների վերահսկողությանը: Փաուելը կարծում է, որ պետությունների կենտրոնական դրամատների համար դժվար կլինի իրենց կրիպտոարժույթների թողարկումը, քանի որ օրինակ հաշիվների եւ գործարքների գաղտնիության ապահովումը այս դեպքում լուրջ խնդիր է: Մասնավոր սեկտորը, ըստ Փաուելի, կարող է այս արժութատեսակով աշխատել: Բացի այդ թվային արժութատեսակի քանակը շուկայում այնքան էլ մեծ չէ ԴՊՀ փոխնախագահ Ռենդել Կուորլսն էլ հայտարարել է, այս տարվա դեկտեմբերի 1-ին, որ թեեւ բիթկոյնը չի կարգավորի, սակայն գաղափարը արժանի է ուսումնասիրության:
Եվրագոտում տրամադրությունները նույնպես խոստումնալից չեն: Եվրոպական կենտրոնական դրամատունը բազմիցս է նախազգուշացրել, որ թվային արժութատեսակներում ներդրումները շատ ռիսկային են: Եվրոպական կենտրոնական դրամատան փոխնախագահ Վիկտոր Կոնստանցիոն դեռ այս տարվա սեպտեմբերին էր հայտարարել, որ բիթկոյնը նման է հայտնի «կակաչին» եւ չի կարելի այն համարել արժույթ: Խոսքն այս դեպքում XVII նիդերլանդական «ֆինանսական փուչիկի» մասին է, եւ դրա հետ կապված կակաչների սպեկուլյացիայի: Եվրոպական կենտրոնական դրամատան կառավարիչների խորհրդի անդամ Բենուա Կյուրեն էլ իր հերթին կարծում է, որ բիթկոյնի փոխարժեքը շատ անկայուն է եւ այս թվային արժույթը մեծապես կախված է հարկային վճարումներից խուսափել ցանկացողների եւ հանցավոր այլ շրջանակների հետ:
Եվրոպական կենտրոնական բանկի նախագահ Մարիո Դրագին էլ այս տարվա նոյեմբերին հայտարարություն տարածեց, ըստ որի, կրիպտոարժույթի ազդեցությունը եվրագոտում սահմանափակված է եւ նրանք կենտրոնական բանկերի համար որեւէ սպառնալիք չեն կարող հանդիսանալ: Չինաստանի կենտրոնական դրամատունը չի էլ թաքցնում, որ լիովին վերահսկում է երկրում թվային արժութատեսակի շրջանառությունը: Ավելին, 2014-ին հատուկ պետական հանձնաժողով է ստեղծվել թվային փողերի զարգացման հետ կապված հարցերն ուսումնասիրելու համար: Պեկինում կարծում են, որ հասունացել են պայմանները, որպեսզի տեխնոլոգիաները վերցվեն պետական վերահսկողության տակ: Չինական Կենտրոնական դրամատունը արդեն լուծել է հարցերը նրանց հետ, ովքեր ինքնուրույնաբար թողարկում են թվային արժութատեսակներ եւ արգելել բորսաներում թվային արժութատեսակների շրջանառությունը: Թե երբ Պեկինը շրջանառության մեջ կդնի իր պաշտոնական կրիպտոարժույթը, դեռ չի նշվում, սակայն չինացի ֆինանսիստները կարծում են, որ դրանք կօգնեն վճարումների կատարման արդյունավետության բարձրացմանը եւ կնպաստեն ֆինանսական շուկայի վերահսկողության բարձրացմանը:
Bank of Japan-ի նախագահ Հարուհիկո Կուրոդան որպես Ճապոնիայի Կենտրոնական դրամատան ղեկավար հայտարարել էր դեռ հոկտեմբեր ամսին, որ բանկը չունի իր ընթացիկ պլանների մեջ թվային արժութատեսակի թողարկման հետ որեւէ նախագիծ, թեեւ կարեւոր է համարել այս ոլորտի համակողմանի ուսումնասիրումը: Տոկիոյում կարծում են, որ թվային արժույթ թողարկելը բնակչության համար նույնն է, ինչ հասանելի դարձնել բոլորի համար Ճապոնիայի Կենտրոնական բանկի ողջ ակտիվների բազան: Նույն տրամադրություններն են նաեւ Կանադայում, Գերմանիայում, որտեղ նույնիսկ գերադասում են կանխիկ կատարել վճարումները, Հնդկաստանում, Ռուսաստանում, որտեղ որոշ արգելքներ արդեն օրենսդրորեն են ամրագրվել, Միացյալ Թագավորությունում եւ Ֆրանսիայում:
Կարծիքներ