Առանց դպրոցի գիտելիքի օր
Շիրակի մարզի Արեգնադեմ համայնքի դպրոցականներն այս տարի էլ Գիտելիքի օրը սկսեցին առանց դպրոցի: Ամասիայի նախկինում ադրբեջանաբնակ Արեգնադեմ գյուղն այս տարի ունի 67 աշակերտ, նախորդ տարվա 87-ի փոխարեն, իսկ առաջին դասարանցիներն ընդամենը 2-ն են՝ նախորդ տարվա 10-ի փոխարեն: Արեգնադեմի աշակերտներն այս տարի էլ դասերը կանցկացնեն 10 քառակուսի մետր տարածք ունեցող, դասարանի չնմանվող տեղում:
"Երկրաշարժից դպրոցը փլվել է, բնակիչների համար կառուցվող բնակելի շենքերից երեքը տրամադրվել է աշակերտներին` ժամանակավորապես որպես դպրոց ծառայելու համար: Ժամանակին խոստացվել էր արագ կարգով դպրոցի խնդիրը լուծել, բայց մինչ օրս որեւէ քայլ այդ ուղղությամբ չի արվել: Անցած տարի 35 մլն. դրամ հատկացվեց, բայց ճգնաժամի պատճառով ծրագրից դուրս հանեցին: Սպասում ենք 2011-ին, գուցե այդ ժամանակ ինչ-որ բան կարվի: Բազմիցս ենք դիմել ներկա ու նախորդ մարզպետներին, վարչապետին, քաղաքաշինության նախարարին,- ասում է Արեգնադեմի համայնքապետ Աղունիկ Հազրյանը` ավելացնելով: - Չնայած դպրոց կոչվածի շենքային պայմանները չեն բավարարում, այնուամենայնիվ կրթության մակարդակը բավականին բարձր է, նախորդ տարվա 10 շրջանավարտներից 9-ն ընդունվել են բուհեր": Չեմ կարող չհիշել օգոստոսյան խորհրդակցության ժամանակ Շիրակի մարզի կրթության եւ սպորտի վարչության պետի խոսքերը. "Շիրակի մարզի դպրոցները գտնվում են նախանձելի վիճակում, մերոնց կնախանձեն անգամ երեւանյան դպրոցները":
Բառի բուն իմաստով նախանձ շարժող դպրոցներում երեկ եղել են Շիրակի մարզպետ Աշոտ Գիզիրյանը, Սահակ Մինասյանն ու մարզի երեւելիները: Արեգնադեմը դպրոց կունենա, թե չէ, մինչեւ երբ Արեգնադեմի դպրոցականները ձմռանը կտաքանան դիզվառելիքով՝ հետաքրքիր չէ ոչ մեկին: Շնորհավորանքների ու այցելությունների արժանի են միայն Գյումրու մի քանի "նախանձ շարժող" դպրոցները:
Անժելա ՀԱՅՐԱՊԵՏՅԱՆ
"Երկրաշարժից դպրոցը փլվել է, բնակիչների համար կառուցվող բնակելի շենքերից երեքը տրամադրվել է աշակերտներին` ժամանակավորապես որպես դպրոց ծառայելու համար: Ժամանակին խոստացվել էր արագ կարգով դպրոցի խնդիրը լուծել, բայց մինչ օրս որեւէ քայլ այդ ուղղությամբ չի արվել: Անցած տարի 35 մլն. դրամ հատկացվեց, բայց ճգնաժամի պատճառով ծրագրից դուրս հանեցին: Սպասում ենք 2011-ին, գուցե այդ ժամանակ ինչ-որ բան կարվի: Բազմիցս ենք դիմել ներկա ու նախորդ մարզպետներին, վարչապետին, քաղաքաշինության նախարարին,- ասում է Արեգնադեմի համայնքապետ Աղունիկ Հազրյանը` ավելացնելով: - Չնայած դպրոց կոչվածի շենքային պայմանները չեն բավարարում, այնուամենայնիվ կրթության մակարդակը բավականին բարձր է, նախորդ տարվա 10 շրջանավարտներից 9-ն ընդունվել են բուհեր": Չեմ կարող չհիշել օգոստոսյան խորհրդակցության ժամանակ Շիրակի մարզի կրթության եւ սպորտի վարչության պետի խոսքերը. "Շիրակի մարզի դպրոցները գտնվում են նախանձելի վիճակում, մերոնց կնախանձեն անգամ երեւանյան դպրոցները":
Բառի բուն իմաստով նախանձ շարժող դպրոցներում երեկ եղել են Շիրակի մարզպետ Աշոտ Գիզիրյանը, Սահակ Մինասյանն ու մարզի երեւելիները: Արեգնադեմը դպրոց կունենա, թե չէ, մինչեւ երբ Արեգնադեմի դպրոցականները ձմռանը կտաքանան դիզվառելիքով՝ հետաքրքիր չէ ոչ մեկին: Շնորհավորանքների ու այցելությունների արժանի են միայն Գյումրու մի քանի "նախանձ շարժող" դպրոցները:
Անժելա ՀԱՅՐԱՊԵՏՅԱՆ
Կարծիքներ