Աստանայի գագաթաժողովը կարող է բեկումնային լինել ղարաբաղյան խնդրի համար
hraparak
3 Նոյեմբեր 2010 | 16:38
0
Ինչպես փոխանցում է Trend գործակալությունը, Ադրբեջանի արտգործնախարար Էլմար Մամեդյարովը կարծում է, որ Աստանայում նախատեսված ԵԱՀԿ գագաթաժողովը կարող է բեկումնային լինել ղարաբաղյան հակամարտության խաղաղ կարգավորման գործընթացի համար, հաղորդում է թուրքական Cihan գործակալությունը: Այդ մասին նա ասել է չորեքշաբթի Ստամբուլում թուրք լրագրողների հետ հանդիպման ժամանակ:Ադրբեջանի ԱԳՆ ղեկավարի խոսքերով, նա մոտ ժամանակներս հանդիպելու է իր հայաստանցի պաշտոնակից Էդվարդ Նալբանդյանի հետ: Աստրախանում տեղի ունեցած Հայաստանի, Ադրբեջանի և Ռուսաստանի նախագահների վերջին հանդիպման ժամանակ ԱԳ նախարարներին հանձնարարվել էր շարունակել բանակցային գործընթացը, և մոտ օրերս կարող է տեղի ունենալ հանդիպում, ասել է նախարարը: Այդ հանդիպման ժամանակ ԱԳՆ ղեկավարները կքննարկեն Աստանայում կայանալիք գագաթաժողովի նախապատրաստման ուղիները:
Ադրբեջանի արտաքին գերատեսչության ղեկավարի խոսքերով, հակամարտության կարգավորման «ճանապարհային քարտեզը» նախապատրաստված է Կովկասում խաղաղության և կայունության վերականգնման նպատակով:
Կարծիքներ