Հորդառատ անձրեւները շարունակում են մեծ վնասներ հասցնել Լոռու մարզին
Արդեն մեկ ամիս է, ինչ Լոռիում չեն դադարում հորդառատ անձրեւները, որոնք շատ հաճախ ուղեկցվում են ուժեղ քամիով եւ կարկուտով: Երեկ, ժամը 16:15-ի սահմաններում Լոռու մարզի Լուսաղբյուր համայնքում կարկուտ եւ հորդ անձրեւ է տեղացել: Շուրջ երկու ժամ տեւած տեղումների հետեւանք սելավաջրերը սարերից թափվել են դեպի Ղալթախչի կայարան, հեղեղել երկաթգծերը, որոշ ժամանակով խոչընդոտել գնացքների երթեւեկությունը: Անմիջապես դեպքի վայր է մեկնել Լոռու մարզի փրկարարական վարչության օպերատիվ խումբը՝ վարչության պետ Հրաչ Անտոնյանի գլխավորությամբ: Բնական աղետի պատճառով շարքից դուրս են եկել մի շարք էլեկտրական սարքավորումներ, որը կարճ ժամանակ անց վերականգնվել է կայարանի վթարավերականգնողական ծառայության կողմից:
Անձրևը հողին է հավասարեցրել նաեւ կայարանի մերձակայքում գտնվող գյուղացիական ցանքատարածությունները: «Գնացել՝ բանկից փող էինք վերցրել, ցորեն, գարի առել-ցանել: Էսօր սելավը ինչ կար-չկար, սաղ քշեց-տարավ»,- մեզ հետ զրույցում պատմեցին գյուղացիները: Անձրեւաջրերը լցվել են գյուղացիների տներըն ու անասնագոմերը. Սատկել են հավերն ու ընտանի կենդանիները: Լուսաղբյուրում մոտ կես ժամ ուժեղ կարկուտ է տեղացել՝ մոտ 20 սմ հաստությամբ:
Սելավը քշել-տարել է անձրեւի պահին դաշտերում արածող հորթերին, ուրիշ ընտանի կենդանիների: Աղետի զոհ է դարձել Լուսաղբյուր գյուղի մեկ ընտանիքին պատկանող միանգամից երկու հորթ: Բնակիչների պատմելով՝ իրենք այս տարի էլ զրկվեցին իրենց ապրուստից. «Էս 2 հորթը որ ծախեի, ամենաքիչը 250 հազար փող կառնեի, բայց դե տեսնում եք՝ անձրեւը ամբողջ դաշտերը վերան արեց, անասուններին սատկացրեց, հավերին քշեց-տարավ»:
Անձրևը հողին է հավասարեցրել նաեւ կայարանի մերձակայքում գտնվող գյուղացիական ցանքատարածությունները: «Գնացել՝ բանկից փող էինք վերցրել, ցորեն, գարի առել-ցանել: Էսօր սելավը ինչ կար-չկար, սաղ քշեց-տարավ»,- մեզ հետ զրույցում պատմեցին գյուղացիները: Անձրեւաջրերը լցվել են գյուղացիների տներըն ու անասնագոմերը. Սատկել են հավերն ու ընտանի կենդանիները: Լուսաղբյուրում մոտ կես ժամ ուժեղ կարկուտ է տեղացել՝ մոտ 20 սմ հաստությամբ:
Սելավը քշել-տարել է անձրեւի պահին դաշտերում արածող հորթերին, ուրիշ ընտանի կենդանիների: Աղետի զոհ է դարձել Լուսաղբյուր գյուղի մեկ ընտանիքին պատկանող միանգամից երկու հորթ: Բնակիչների պատմելով՝ իրենք այս տարի էլ զրկվեցին իրենց ապրուստից. «Էս 2 հորթը որ ծախեի, ամենաքիչը 250 հազար փող կառնեի, բայց դե տեսնում եք՝ անձրեւը ամբողջ դաշտերը վերան արեց, անասուններին սատկացրեց, հավերին քշեց-տարավ»:
Կարծիքներ