Ինչու են ուշանում եվրադատարանի վճիռները
Նախկին դատավոր Անահիտ Սաղաթելյանն իր գործով ներպետական ատյաններում հաջողության չհասնելով՝ դիմել էր Եվրոպական դատարան, սակայն նրա գործը դեռեւս անհասկանալի պատճառներով շարունակում է մնալ օդից կախված կարգավիճակում: Բանն այն է, որ մեկ տարուց ավելի է, ինչ Եվրադատարանի եւ կառավարության կոմունիկացիան ավարտվել է, սակայն Եվրադատարանի որոշումն ուշանում է: Հիշեցնենք, որ 2004 թվականին Քոչարյանի հրամանով դադարեցվեցին Անահիտ Սաղաթելյանի լիազորությունները, որից հետո դատավորը սկսեց պայքարել պաշտոնի վերականգնման համար: Ապա 2008 թվականին ՀՀ հատուկ քննչական ծառայությունը քրեական գործ հարուցեց Անահիտ Սաղաթելյանի նկատմամբ, իբր նա 2001 թվականի օգոստոսի 27-ի դատական նիստին քաղաքացու մասնակցության եւ ցուցմունք տալու վերաբերյալ ակնհայտ կեղծ տեղեկություններ էր մտցրել դատական նիստի արձանագրության մեջ:
Այնուհետեւ, սակայն, գործը կարճվեց, եւ Սաղաթելյանի նկատմամբ քրեական հետապնդումը դադարեցվեց՝ իրեն մեղսագրված հանցանքների համար քրեական պատասխանատվության ենթարկելու վաղեմության ժամկետներն անցած լինելու հիմքով: Սաղաթելյանը բողոքարկեց կարճման հիմքը: Նա վստահ էր, որ նախաքննական մարմինը հենց այդ հիմքով էր կարճել գործը, որպեսզի հետագայում չկարողանա վերականգնվել դատավորի պաշտոնում:
Բայց՝ անարդյունք. առաջին ատյանի եւ վերաքննիչ դատարանները մերժեցին բողոքը: Վճռաբեկ դատարանը բեկանեց առաջին ատյանի որոշումը եւ ուղարկեց նոր քննության, որից հետո, սակայն, գործի ելքը չփոխվեց: Հիմա կոմունիկացիոն փուլն ավարտվել է, եւ կողմը տարուց ավելի է՝ սպասում է ԵԴ վճռին: Փաստաբան Արտակ Զեյնալյանը, ով նույնպես զբաղվում է Անահիտ Սաղաթելյանի գործով, Եվրադատարանի որոշման ուշացումը դժվարացավ պատճառաբանել: «Եվրադատարանն իր արդյունավետությունը շատ գցել է, եւ վերջին շրջանում ավարտված այդպիսի գործեր շատ կան, որոնց վճիռն ուշանում է»,-ասաց նա:
Ընդհանրապես մեր փաստաբանները Եվրադատարանի որոշումների ուշացումից հաճախ են դժգոհում: Օրինակ, փաստաբան Լուսինե Սահակյանն այդպիսի 3 գործ ունի, երբ արդեն 3 տարուց ավելի է, ինչ ավարտվել է կառավարության հետ նամակագրությունը, սակայն որոշում դեռ չկա: Փաստաբան Արա Զոհրաբյանն էլ ասում է՝ մի քաղգործով 5 տարի առաջ կոմունիկացիոն գործընթացն ավարտվել է, սակայն որոշում չկա: Երկու փաստաբանների կարծիքով էլ, դա պայմանավորված է դիմումների քանակով: «Իրենք սովորաբար չեն էլ պատճառաբանում որոշումների ուշացումը, բայց դա, հավանաբար, պայմանավորված է զուտ ծանրաբեռնվածությամբ»,-կարծիք հայտնեց Արա Զոհրաբյանը:
Այնուհետեւ, սակայն, գործը կարճվեց, եւ Սաղաթելյանի նկատմամբ քրեական հետապնդումը դադարեցվեց՝ իրեն մեղսագրված հանցանքների համար քրեական պատասխանատվության ենթարկելու վաղեմության ժամկետներն անցած լինելու հիմքով: Սաղաթելյանը բողոքարկեց կարճման հիմքը: Նա վստահ էր, որ նախաքննական մարմինը հենց այդ հիմքով էր կարճել գործը, որպեսզի հետագայում չկարողանա վերականգնվել դատավորի պաշտոնում:
Բայց՝ անարդյունք. առաջին ատյանի եւ վերաքննիչ դատարանները մերժեցին բողոքը: Վճռաբեկ դատարանը բեկանեց առաջին ատյանի որոշումը եւ ուղարկեց նոր քննության, որից հետո, սակայն, գործի ելքը չփոխվեց: Հիմա կոմունիկացիոն փուլն ավարտվել է, եւ կողմը տարուց ավելի է՝ սպասում է ԵԴ վճռին: Փաստաբան Արտակ Զեյնալյանը, ով նույնպես զբաղվում է Անահիտ Սաղաթելյանի գործով, Եվրադատարանի որոշման ուշացումը դժվարացավ պատճառաբանել: «Եվրադատարանն իր արդյունավետությունը շատ գցել է, եւ վերջին շրջանում ավարտված այդպիսի գործեր շատ կան, որոնց վճիռն ուշանում է»,-ասաց նա:
Ընդհանրապես մեր փաստաբանները Եվրադատարանի որոշումների ուշացումից հաճախ են դժգոհում: Օրինակ, փաստաբան Լուսինե Սահակյանն այդպիսի 3 գործ ունի, երբ արդեն 3 տարուց ավելի է, ինչ ավարտվել է կառավարության հետ նամակագրությունը, սակայն որոշում դեռ չկա: Փաստաբան Արա Զոհրաբյանն էլ ասում է՝ մի քաղգործով 5 տարի առաջ կոմունիկացիոն գործընթացն ավարտվել է, սակայն որոշում չկա: Երկու փաստաբանների կարծիքով էլ, դա պայմանավորված է դիմումների քանակով: «Իրենք սովորաբար չեն էլ պատճառաբանում որոշումների ուշացումը, բայց դա, հավանաբար, պայմանավորված է զուտ ծանրաբեռնվածությամբ»,-կարծիք հայտնեց Արա Զոհրաբյանը:
Կարծիքներ