Այդ օրը քաղաքն արթնանալու է
hraparak
23 Մարտ 2013 | 06:03
0
Ինչպես տեղեկացնում են մեր աղբյուրները` Ազատության հրապարակում ամենօրյա քաղաքացիական ֆորումի «հռետորների» անհրաժեշտություն կա՝ տասն օր ձգվող խորհրդաժողովների անընդհատությունն ապահովելու համար: Այդ գործով զբաղվում է Անդրիաս Ղուկասյանը. նա հանդիպում է հայաստանյան քաղաքական գործիչներին, որոնք դեռեւս չեն արտահայտել իրենց կողմնորոշումերը, բացատրական աշխատանք է տանում իրենց շարքերում ներառելու, նաեւ ելույթ ունենալու, սեփական տեսլականներն Ազատության հրապարակին հաղորդելու համար: Սակայն, ըստ նույն լավատեղյակների, իրական «ուղեղային կենտրոնի» միջուկը կազմում են Աշոտ Մանուչարյանը, Մանվել Սարգսյանը, Ստեփան Դանիելյանը, որոնք համագործակցում են եւ Անդրիաս Ղուկասյանի, եւ Վարդան Օսկանյանի, եւ «Սիվիլնեթի», եւ մի շարք այլ կազմակերպությունների հետ:
Այդ խմբի հետ է կապվում նաեւ Սմբատ Այվազյանի անունը. նրա գրասենյակում է երբեմն-երբեմն հավաքվում Րաֆֆիին աջակցող այս խումբը, որի անդամները նախապատրաստում են ապրիլի 9-ի` Րաֆֆի Հովհաննիսյանի այլընտրանքային ինաուգուրացիայի դետալները, որպեսզի ողջ «Երեւանն ու նրա փողոցներն այդ օրը եռան, արթնանան, մասնակցեն քաղաքացիական անհնազանդության մարաթոնին»: Ի դեպ, վերջիններս մասնավոր զրույցներում չեն թաքցնում, որ իրենց համար ոչ միայն արդյունքը, նաեւ գործընթացն է հետաքրքիր:
Կարծիքներ