Չնայած առաջընթացին՝ Իրանի միջուկային ծրագրի շուրջ տարաձայնություններ դեռ կան. Օբամա
Իրանի միջուկային ծրագրի շուրջ բանակցություններում հիմնական տարաձայնությունները պահպանվում են, սակայն արդեն ձեռք բերված արդյունքները որոշակի լավատեսության հիմք են: Այս մասին ԱՄՆ նախագահ Բարաք Օբաման հայտարարել է նոյեմբերի 23-ին ABC հեռուստաալիքին տված հարցազրույցում, գրում է ТАСС-ը:
«Լավ նորությունն այն է, որ նախնական պայմանավորվածությունը, որին մենք հասել ենք, իրոք հանգեցել է Իրանի միջուկային ծրագրի զարգացման դադարեցմանը: Որոշ դեպքերում նույնիսկ հետ քայլեր են արվել, մասնավորապես, երբ խոսքը ուրանի հարստացման և պահուստներ ունենալու մասին է»,- ասել է երկրի ղեկավարը: Նրա խոսքով՝ «այդ ուղղությամբ հաջողության են հասել, և Իրանը պահպանում է պայմանավորվածության պայմանները»: «Այժմ խնդիրն այն է՝ արդյոք կկարողանա՞նք մշտական պայմանավորվածություն ձեռք բերել: Եվ դեռ բավականին տարաձայնություններ կան»,- ավելացրել է Օբաման:
Կարծիքներ