Թալինում արձանագրված նոր թունավորման դեպքերը կապ չունեն նախորդի հետ
«Այսօր նորից թունավորման ախտանշաններով հիվանդ ենք ընդունել ինֆեկցիոն բաժանմունք, բայց այս դեպքը կապ չունի նախորդ դեպքերի հետ, սա սննդային թունավորում է եղել». այս մասին Hraparak.am-ի հետ զրույցում ասաց Թալինի ԲԿ-ի տնօրեն Արմեն Խաչատրյանը:
Նշենք, որ այսօր՝ սեպտեմբերի 24-ին` ժամը 12.20-ին, տեղեկություն է ստացվել, որ թունավորման նախանշաններով Թալինի ԲԿ են հոսպիտալացվել Արագածոտնի մարզի Զարինջա գյուղի բնակիչ` 2001 թ. ծնված Ա. Հ.-ը, Արտենի գյուղի բնակիչ` 2002 թ. ծնված Ի. Զ.-ը: Բժիշկները տուժածների առողջական վիճակը գնահատել են միջին ծանրության:
«Միշտ էլ մեր ինֆեկցիոն բաժնում հիվանդներ են լինում, ուղղակի նախորդ անգամ զանգվածային եղավ, որի պատճառը, ըստ երևույթին, ջուրն է եղել: Այս անգամ թունավորման պատճառը սնունդն է: Թալինում արտառոց որևէ բան չկա, սեզոնային թունավորումներ են, այժմ նվազման միտում է նկատվում և հիվանդները դուրս են գրվում»:
Կարծիքներ