Պուտինը կապ չունի Նավալնու մահվան հետ․ ԱՄՆ հետախուզություն

Ռուսաստանի նախագահ Վլադիմիր Պուտինը ոչ մի կապ չունի ընդդիմության առաջնորդ Ալեքսեյ Նավալնիի մահվան հետ, գրում է Wall Street Journal-ը՝ հղում անելով ամերիկյան հետախուզությանը։

«ԱՄՆ-ի հետախուզական ծառայությունները պարզել են, որ Պուտինը, ամենայն հավանականությամբ, չի պատվիրել Նավալնու սպանությունը», - ասվում է հոդվածում:

Այս եզրակացությունը տարածված է ամբողջ ԱՄՆ հետախուզական համայնքում և կիսում են մի քանի գերատեսչություններ՝ ԿՀՎ-ն, Ազգային հետախուզության տնօրենի գրասենյակը և Պետդեպարտամենտի հետախուզական բաժինը:

Հիշեցնենք, որ Նավալնին մահացել է այս տարվա փետրվարի 16-ին՝ ռուսական մեկուսարաններից մեկում։ Նրա մահվան մեջ ընդդիմադիր գործչի հարազատներն ու կինն անձամբ մեղադրել են ռուսական իշխանություններին։

Ավելի ուշ, Ելենա Նավալնայային Սպիտակ տանը հյուրընկալել է նախագահ Ջո Բայդենը։ Բացի այդ, Նավալնու այրին հեղինակավոր պարգևներ է ստացել իր ամուսնու գործը շարունակելու վճռականության ու մտադրության համար։