Իսլամիստները հրապարակել են սեռական ստրուկների գնացուցակը. ՄԱԿ

Ռազմական հակամարտություններում սեռական բռնությունների հարցերով ՄԱԿ գլխավոր քարտուղարի հատուկ ներկայացուցիչ Զեյնաբ Բանգուրան հայտարարել է, որ «Իսլամական պետության» գրոհայինները տարածել են ստրուկների` գերևարած կանանց և երեխաների գնացուցակը: Այս մասին տեղեկացնում է «lenta.ru»-ն` հղում անելով «Bloomberg» գործակալությանը:

Բանգուրան տեղեկացրել է, որ դեռ ամիսներ առաջ, երբ ինքը գտնվելիս է եղել Իրաքում, իր ձեռքն ընկել է «Իսլամական պետության» կողմից հրապարակված բրյոշուրի պատճեն, որում նշված են ստրուկ-երեխաների գները: «Աղջիկներով առևտուր են անում, ինչպես նավթով: Նրանցից յուրաքանչյուրին վաճառում և գնում են հինգից վեց տղամարդիկ: Երբեմն գրոհայինները վաճառու են աղջիկներին նրանց ընտանիքներին հազար դոլարով», - ասել է ՄԱԿ ներկայացուցիչը: Նա մանրամասնել է, որ մեկից մինչև ինը տարեկան տղաներն ու աղջիկներն ու գնահատվում են յուրաքանչյուրը 165 դոլար, իսկ 10 – 16 տարեկանները` վաճառվում են 125-ական դոլարով: Ընդ որում, սկզբում ստրուկներին իրենց համա ընտրում են «Իսլամական պետության» առաջնորդները, իսկ մնացածներին հանում են աճուրդի: Այն գերիները, որոնք այդ կերպ չեն վաճառվում, իսլամիստներին առաջարկում են կազմված գնացուցակի համաձայն: