Շատ լինի, քիչ չլինի

Պաշտոնական փաստաթղթերից «Ժողովուրդ» օրաթերթը տեղեկացավ, որ ՀՀ կենտրոնական ընտրական հանձնաժողովն այս տարվա հոկտեմբերի 12-ին «Բալենո սասթենիբլ գլոբալ դեվելոփմենթ» ընկերության հետ կնքած պայմանագրով 2 հազար 300 հատ անհետացող թանաքի սրվակ եւ դրոշմակնքման բարձիկ է գնել: Մեկ սրվակի եւ բարձիկի համար ԿԸՀ-ն վճարել է ընդհանուր 8 հազար 550 դրամ: Ընդհանուր հաշվով ԿԸՀ-ն վերը նշված ընկերությանը վճարել է 19 մլն 214 հազար դրամ: Հիշեցնենք, որ նշված թանաքները օգտագործվում են քվեարկության ժամանակ ընտրողի անձնագրում անհետացող կնիք դնելու նպատակով: Ուստի բնական հարց է ծագում՝ եթե Հայաստանի ընտրական տեղամասերի թիվը ընդամենը 1997 է, ինչո՞ւ է ԿԸՀ-ն տեղամասերի թվից 300-ով ավել թանաք եւ բարձիկ գնել: Կարող էին ընդամենը մի քանի ավել թանաք ու բարձիկ գնել ֆորսմաժորային իրավիճակների համար:

Մանրամասները՝ «Ժողովուրդ» թերթի այսօրվա համարում: