Կնոջ մասին կամ ոչինչ, կամ միայն Բալզակի պես

Այն տղամարդը, ով իր կնոջը սիրուհի չի կարողանում դարձնել, խոսում է նրա թերլիարժեքության մասին։ Պետք է կարողանալ տիրանալ բոլոր կանանց մի կնոջ մեջ։

Իր քայլվածքով կինն ամեն ինչ կարող է ցույց տալ՝ ոչինչ ցույց չտալով։

Կինը գիտի իր սիրած տղամարդու դեմքն այնքան լավ, որքան նավաստին բաց ծովը։

Խանդոտը կասկածում է ոչ թե իր կնոջը, այլ ինքն իրեն։

Նա, ով կարողացավ ղեկավարել կնոջը, կղեկավարի նաեւ պետությունը։

Աբսուրդ է մտածելը, որ տղամարդը չի կարող երջանիկ լինել մի կնոջ հետ ամբողջ կյանքում։ Դա համահավասար է, որ ասես՝ լավ երաժշտին մի քանի ջութակ է հարկավոր, որպեսզի նվագի։

Կինը պետք է պատկանի այն տղամարդուն, ով կազատի նրան խնդիրներից։

Կինը քնար է, ով իր գաղտնիքները տալիս է նրան, ով նվագել գիտի: 

Մոր սիրտը հրաշքների անսպառ աղբյուր է։

Ունենալ ճաշակ ավելի կարեւոր է, քան խելք ունենալը։

Իր թուլությունը խոստովանող մարդը ավելի է ուժեղանում։

Յուրաքանչյուր հարստության ետեւում գողություն է թաքնված։

Ամեն ինչ գալիս է իր ժամանակին բոլոր նրանց համար, ովքեր սպասել գիտեն։

Աշխեն Քեշիշյան