Ուկրաինայի գլխավոր դատախազությունը չգիտի Յանուկովիչի գտնվելու վայրը
![Ուկրաինայի գլխավոր դատախազությունը չգիտի Յանուկովիչի գտնվելու վայրը](https://hraparak.am/uploads/images/b08a8b213531d7c97e10cc678a6f95c3.jpg)
Ուկրաինայի գլխավոր դատախազությունը հայտարարել է, որ չի կարող տեսակոնֆերանսի ռեժիմով քննչական գործողություններ իրականացնել երկրի նախկին նախագահ Վիկտոր Յանուկովիչի հետ, որովհետև չգիտի, թե նա որտեղ է գտնվում: Ուրբաթ այս մասին հայտարարել է Գլխավոր դատախազության մամլո քարտուղար Լարիսա Սարգանը:
Նշենք, որ ավելի վաղ Վիկտոր Յանուկովիչի փաստաբան Վիտալի Սերդյուկը հայտարարել էր, որ Ուկրաինայի գլխավոր դատախազությանն է փոխանցել իր պաշտպանյալի միջնորդությունը՝ հեռուստակապի միջոցով Ուկրաինայի նախագահ Պյոտր Պորոշենկոյի, նախկին վարչապետ Արսենի Յացենյուկի, խորհրդարանի խոսնակ Անդրեյ Պարուբիի, Կիևի քաղաքապետ Վիտալի Կլիչկոյի և Ազգային անվտանգության և պաշտպանության խորհրդի քարտուղար Ալեքսանդր Տուրչինովի հետ առերեսում կազմակերպելու մասին:
Կարծիքներ