Թուրքիան վերջնագիր է ներկայացրել սիրիացի քրդերին
![Թուրքիան վերջնագիր է ներկայացրել սիրիացի քրդերին](https://hraparak.am/uploads/images/1dc0d4b63cc5f9790cfc1d36474e0f6e.jpg)
Սիրիացի քրդերի ուժերը կդառնան թուրքական զինուժի գործողության թիրախ, եթե չնահանջեն Եփրատից դեպի արևելք, հայտարարել է Թուրքիայի արտգործնախարար Մևլյութ Չավուշօղլուն:
Անկարայում տեղի ունեցած մամլո աուլիսում նա ընդգծել է, որ Ջարաբլուսի ուղղությամբ գործողության գլխավոր նպատակը տարածաշրջանը «Իսլամական պետոււթյուն» ահաբեկչական խմբավորման գրոհայիններից մաքրելն է:
«ԻՊ-ին հաղթել օդային հարձակումներով հնարավոր չէ: Մենք դա կարող ենք անել ցամաքային գործողությունների շնորհիվ: Մեզ աջակցում է տեղի բնակչությունը: Այդ հողերի վրա պետք է ապրեն նրանք, ովքեր նախկինում են ապրել: Բայց սիրիացի քրդերի ինքնապաշտպանության ուժերի նպատակն այլ է, նրանք տեղի բնակչությանը ստիպում են լքել իրենց տները, զբաղված են էթնիկական զտումներով»,- հայտարարել է Չավուշօղլուն:
Ավելի վաղ «Սիրիայի ժողովրդավարական ուժեր»-ի քաղաքական թևը, որի հիմքն են կազմում քրդերը, հայտարարել էր թուրքական օդուժի վերջին ռմբակոծությունների արդյունքում Ջարաբլուս քաղաքից հարավ15 խաղաղ բնակչի զոհվելու մասին: Անկարան հերքել էր այդ տեղեկությունը՝ նշելով, որ Թուրքիան բավականին զգայուն վերաբերմունք է դրսևորում այդ հարցում և անում է ամեն ինչ՝ քաղաքացիական բնակչության ապահովության համար:
Կարծիքներ