Մենք այդ փողերն էլ կուտենք. Սահակաշվիլի
![Մենք այդ փողերն էլ կուտենք. Սահակաշվիլի](https://hraparak.am/uploads/images/06db40aa66331cb0827ace5ed0e8fe2a.jpg)
Օդեսայի ադմինիստրացիայի ղեկավար Միխեիլ Սահակաշվիլին հայտարարել է, որ Արժույթի միջազգային հիմնադրամի կողմից հերթական տրանշով Ուկրաինային հատկացվելիք գումարները ևս «կուտվեն», փոխանցում է «112 Украина»-ն:
«Այդուհանդերձ ես կարծում եմ, որ Ուկրաինան այնուամենայնիվ այդ փողը կստանա, որովհետև մեզ չեն կարող թողնել բախտի քմահաճույքին: Փողերը կգան, բայց մենք դրանք կուտենք: Իմաստ չունի»,- ասել է Սահակաշվիլին:
Նա բերել է Վրաստանի կառավարության օրինակը, որը շատ արագ հրաժարվեց ԱՄՀ օգնությունից, չնայած ռազմական իրադրությանը:
Ավելի վաղ հայտարարվել էր, որ ԱՄՀ-ն կրկին հետաձգել է Ուկրաինային օգնության հերթական տրանշը հատկացնելու հարցի քննարկումը:
Կարծիքներ