«Մաեստրոն» սաքսաֆոն է նվագել

ԱԺ նախագահ Գալուստ Սահակյանը, պարզվում է, հումորներ շատ քիչ է նայում, բայց իր մասին արված հումորներից երբեք չի վրդովվում և վատ չի զգում։

«Իհարկե, հումորների մեջ կան նաև ճշմարտություններ, որ մարդուն չի վերաբերվում, բայց մտածում ես՝ դա էլ աշխատանք է»,-այսօր Ազգային ժողովում Hraparak.am-ի հետ զրույցում հայտարարեց ԱԺ «մաեստրոն»։

-Իսկ ինչպե՞ս եք վերաբերվում նրան, որ Ձեզ ասում են՝ Ազգային ժողովի «մաեստրո»։

-Չեմ ընդունում, ես մաեստրո լինել չեմ կարող, մանավանդ երբեմն ընդունում եմ, ինչ-որ մի ժամանակ երաժիշտ էլ եմ եղել։

-Ի՞նչ եք նվագել։

-Սաքսաֆոն։

-Ձեզ մյուս տարի կտեսնե՞նք խորհրդարանում։

-Եթե հանրապետականները առաջին տեղ գրավեն...

-Ռեյտինգայի՞ն ցուցակով կմասնակցեք ընտրություններին, թե՞ համամասնական։

-Ես կարծում եմ՝ պատգամավոր լինելու համար հանրապետականներից շատերը կլինեն, ինչպես նաև ես։

-Այսինքն՝ շարունակելու՞ եք Ձեր քաղաքական կարիերան։

-Եթե պատգամավոր էլ չլինեմ, էլի շարունակելու եմ։

-Ի՞նչն եք կիսատ թողել այս տարիներին, որ պետք է լրացնեք հետայսու։

-Ես կարծում եմ՝ ամեն տարի ամեն ինչ կիսատ է մնում ինձ մոտ, և ցանկանում եմ՝ նորից շարունակել։

-Շարունակել լինել Գալուստ Սահակյա՞ն, ինչպես հաճախ նշում եք։

-Գալուստ Սահակյան նշելով՝ ես ինձ նկատի չունեմ, այլ նկատի ունեմ այն բնավորությունը, որը այսօր հասարակության մեջ կա։

-Ո՞րն է այդ բնավորությունը։

-Ես եմ։

Վահե ՄԱԿԱՐՅԱՆ