Որտե՞ղ է «անհետացել» Ուկրաինայի ՊՆ ղեկավարը

Ուկրաինայի պաշտպանության նախարարի տեղակալ Իվան Գավրիլյուկն ապրիլի վերջից ստանձնել էր գերատեսչության փաստաթղթերի ստորագրման լիազորությունները, քանի որ նախարար Ռուստեմ Ումերովը գործուղման մեջ էր։ 
Այս մասին հայտնում է ուկրաինական УНИАН գործակալությունը։

«Ուկրաինայի պաշտպանության նախարարության հրամանները նախարար Ռուստեմ Ումերովի փոխարեն ստորագրել է նրա տեղակալ Իվան Գավրիլյուկը»,- ​​ասվում է հրապարակման մեջ։

Նշվում է, որ Գավրիլյուկը «ժամանակավորապես կատարում է» Ումերովի պարտականությունները, երբ նա գործուղման է։

Ավելի վաղ ուկրաինական լրատվամիջոցները նկատել էին, որ Գավրիլյուկն է ստորագրում ՊՆ-ի հրամանները, այլ ոչ թե պաշտպանության նախարար Ումերովը, ով այժմ գործուղման մեջ է, գրում է MK.RU-ն։ 

Ի դեպ, տեղեկությունները կան, որ Ումերովը կարող է լքել պաշտոնը և նշանակվել ենթակառուցվածքների նախարար։ Հրաժարականի պատճառը ուկրաինական «Ցենզոր» հրատարակությունը նշել է նախագահի գրասենյակի ղեկավար Անդրեյ Երմակի մտադրությունն է՝ արգելափակել Զելենսկուն այցելելու իրավունք ունեցող բոլոր առաջնորդների մուտքը։