Որոնք են ԱՄՆ երկու ամենամեծ սպառնալիքները ըստ Պենտագոնի

ԱՄՆ Պաշտպանության նախարարության կարծիքով, Միացյալ Նահանգների երկու ամենամեծ սպառնալիքները Չինաստանն ու Ռուսաստանն են։ Ընդ որում, Չինաստանը ԱՄՆ համար շատ ավելի մեծ սպառնալիք է հանդիսանում, քան Ռուսաստանը։ Այս մասին հայտնում է ՏԱՍՍ լրատվական գործակալությունը, վկայակոչելով Պենտագոնի մամուլի ծառայության տարածած հայտարարությունը։ Ըստ հայտարարության, վերականգնվում է գերտերությունների մրցակցությունը։ Չինաստանը հատկապես սպառնալիք է ԱՄՆ համար, հաշվի առնելով վերջինիս արագ զարգացող տնտեսությունը։ Ուշագրավ է այն, որ ամերիկյան ռազմական գերատեսչության կողմից չինական բանակը դիտարկվում է ոչ թե որպես պետական բանակ, այլ իշխող կոմունիստական կուսակցության զինված թեւ, որի զարգացման մեջ մեծ ներդրումներ են կատարվում իշխանությունների կողմից։