Նարեկ Սամսոնյանին հրավիրել են ՀՔԾ
«Քաղաքացիական գիտակցություն» ՀԿ նախագահ Նարեկ Սամսոնյանին հրավիրել են Հատուկ քննչական ծառայություն։
Մեզ հետ զրույցում Սամսոնյանն ասաց, որ տեղեկություն չունի՝ ինչի համար են իրեն հրավիրել , չի էլ որոշել՝ ներկայանալու է թե ոչ․
«Որ ունենամ տեղեկություն՝ անպայման կհայտնեմ։ Ծանուցման մեջ շատ երեւութական ձեւով է նշվում։ Նշվում է, որ իմ հրապարակումներից մեկի վերաբերյալ նախապատրաստվում են նյութեր, որտեղ պաշտոնատար անձի կողմից լիազորությունների չարաշահման դեպք կա եւ այդ առնչության վերաբերյալ առաջարկում են բացատրություն տալ ՀՔԾ-ում»,-նշեց նա։
Հարցին՝ չի ենթադրում, ո՞ր հրապարակման մասին է խոսքը, պատասխանեց․ «Չգիտեմ, ճիշտն ասած։ Ենթադրություն չեմ ուզում անել։ Տեսնենք՝ ինչ կլինի»։
Նշենք, որ օրերս ոստիկանությունը բերման էր ենթարկել Սամսոնյանին։
Կարծիքներ